黃台仰不過是還原基本步

黃台仰同李東昇獲德國庇護收容事件,雖然隨住《Financial Times》記者 Nicolle Liu 响 Twitter 放料爆出黃台仰同梁天琦早有「一個留、一個走」嘅計劃同共識,仇思達豢養嘅黃毓民嗰堆假獨派無辦法再搞「出賣論」挑撥離間,以至其他亂噏廿四嘅 Spinning,但呢班根本係支那共匪物體必定仲會搵位攝。其中黃台仰接受法新社訪問提到暫擱港獨倡議、集中香港嘅民主同人權議題,對於好多唔太明白獨派 (廣義。當中有多個立場光譜,包括歸英派) 論述嘅人,包括獨派支持者,不明所以又或者覺得黃台仰「變臉」而不滿,就會成為班假獨份子嘅「彈藥」。除咗要堵截假獨份子嘅搗亂,事實上亦係時候梳理返整個廣義獨派嘅論述基礎。

我响前文有提過,黃台仰呢種立場轉變調整,並沒有違背獨派嘅「香港只有脫離中共魔掌先至會有好日子過」嘅最根本基礎。只要明白港獨、歸英、本土主義等嘅主張嘅出現,原因正正就係香港嘅民主同人權,以至最基本嘅民生同社會秩序出咗問題,就會明白我所講嘅並唔係替黃台仰辯護。

首先,將時間去返1982至1984年中英談判期間,當年鄧小平信誓旦旦話收回香港主權同治權,只係「換旗、換港督、換駐軍。其餘的,馬照跑舞照跳」。無錯,35年後嘅今日睇返,矮仔鄧擺明「氹住先」;但如果支那共匪無走數的話,其實香港社會嘅一切將會相安無事。

撇除「臨立會」衍生嘅政治同法律問題,回望1997至2002年期間嘅香港,確實一切算是正常。如果無當年強推《基本法》23條,又如果2007年真係落實《基本法》附件一同二 ── 立法會同特首選舉實行雙普選,其實唔會年年7.1要上街。甚至乎如果支那共匪恪守《中英聯合聲明》第三條 ── 國防同外交屬中央權力、其餘係香港內部自治事務;同埋《基本法》22條 ── 中央及各省市不得干預香港內部自治事務,就唔會發生反國教、DBC 牌照、HKTV 發牌事件。

基於以上嘅「平行時空」嘅假設,香港嘅民主同人權問題唔會差到依家呢個地步。「獨派」其中一個相對溫和嘅光譜所提出嘅論述基礎係「港人自決」(唔係黃之鋒、朱凱迪嗰堆友嗰隻) ── 如果中共可以實踐返當年鄧小平嘅承諾,香港可以繼續係中华人民共和国嘅特區。雖然呢個我稱為「溫和派」嘅主張已經隨住支那共匪繼續走數而無人再講,但呢個主張論述仍然係獨派嘅最根本嘅基礎。

事實上,「獨派」各光譜嘅發展,亦係由於睇唔到「溫和派」嘅主張有實現嘅可能性而演變出嚟。因此,話「獨派」基本原則就係民主同人權就係咁解。而由此可見,黃台仰嘅思維轉變,只不過係還原基本步而已,並唔存在乜嘢「變臉」嘅問題。

另一方面,不論係「共和派」(唔係陳浩天嗰隻。參考1965年後嘅新加坡)、「瑞士派」(香港以中立國獨立),「歸英派」多個模式 ── 97前模式、直布羅陀模式、新加坡自治領模式、澳洲加拿大模式、拼入聯合王國模式,最大嘅關注重點亦係香港嘅民主能夠落實同人權得到保障。從呢個角度可以見到,黃台仰所講嘅,並沒有牴觸「獨派」嘅根本立場。甚至更直接講,「獨派」可以集中討論同研究到底邊一個派別、模式嘅主張嘅可行性、如何實踐、對香港係最有利;並且因為殿定咗最根本基礎,「獨派」可以繼續一直以來嘅溝通,而且正常地更加唔會爭奪話語權。況且各派其實一直都無爭過。

掉返轉講,亦因為支那共匪嘅走數,確認咗香港嘅民主同人權問題响支那共匪踐踏之下係唔會有解決嘅可能,亦即係確認咗「香港只有脫離中共魔掌先至會有好日子過」呢個「獨派」最最最根本嘅論述基礎,就使「獨派」嘅主張變得更實在。所以,黃台仰嘅「變臉」根本唔係放棄,而係進行鞏固工程。

或者人嘅本性太多時候忘記咗基本步,先至覺得阿 Ray 今次所講嘅有問題……

返回主頁

Be the first to comment

Leave a Reply

Your email address will not be published.


*