「反送中」院校聯署點都有啲用

聯署聲明呢科嘢,响過去呢十年八載其實玩到濫晒爛晒,啲社運友郁啲就去 change.org 起個稿然後 share,坦白講,以香港人嗰種心態根本唔會有行動,根本都係搞回音谷,得啖笑。今次《逃犯條例》事件,亦有社運友重施故技,都係無料到。但有大專院校採取集中向校友師生埋手,就開始出現變化;當延伸到中學,尤其是台灣命案女事主母校赤柱聖士提反書院嘅校友亦發起聯署,就出現急劇變化。截至今日中午,已有超過150間中學發動聯署,累積參與人數以萬計,我估計可能接近甚至超越十萬。

雖然無論聯署數目有幾多,支那共匪、港共傀儡政權都會「睬你都有味」嘅態度,但係土共早前响街頭話收集數幾十萬個支持嘅聯署,形成嘅嗰種輿論係要設法制衡以至壓抑。但香港人就係有著唔用腦、隨風擺柳嘅特質,唔另起爐灶「駁火」不單係助長支那共匪同港共傀儡政權嘅氣燄,仲會係將香港人推向土共嘅嗰一邊(不論係盲從附和還是無言屈服)。更重要嘅係,土共嗰啲只不過煽動愚昧,如果「還拖」不單有量而且仲有質,咁就唔同玩法。因此,我見陸續有中學加入,亦策動我嘅中學母校校友「郁手」。

相信明眼人都會睇到,支那共匪同港共傀儡政權擺明要霸王硬上弓,表面睇好似做乜都徒勞無功,但要明白唔出聲唔行動,反映唔出香港人嘅聲音,就映照唔到支那共匪、港共傀儡政權到底有幾仆街冚家鏟。更重要嘅係,美中貿易戰加埋華為已經搞到支那共匪大傷元氣,而黃台仰流亡德國亦搞到港共傀儡政權陣腳大亂,共匪港共只不過秉承「杮子挑軟的捏」嘅老毛作風,拎香港嚟「開刀」逞強而已;另一方面,國際社會對港共嘅態度亦相當清楚,尤其是德國同美國,但要真正介入係需要足夠理據。而最佳嘅理據就係有來自香港民間清楚而響亮嘅反對聲音。院校聯署可以話係其中一個有效嘅方法。

換另一個角度去睇,土共勢力對於呢股院校聯署風潮唔係無反應。發動六七暴動嘅恐怖組織就 Spin 啲聯署只係老作,(懷疑)响東莞被捉黃腳雞嘅湯家驊嘅黨羽姚潔凝就憨鳩鳩話聯署不合法,再加埋有啲膠味濃郁牌頭嘅聯署發動,例如「師奶」「動保撚」嗰啲,試圖搞爛個行動…… 要是院校聯署無作用,支那共匪駛鬼講/搞呢啲小動作咩!更是由此可見,透過高鐵工程收支那共匪錢再豢養黃毓民嘅仇思達根本就係支那共匪。

與此同時,美國突然警告港共傀儡政權咪俾載有伊朗石油嘅運油船入境香港,即係美帝紙老虎擺多一枝炮對住「林三條」,港共支共個勢雖然強,但有「黃雀在後」隨時被隊冧。再加埋 Reuters 披露有香港法官對修例感到擔憂同困擾,港人雖然力弱但唔係勢孤。

依家最重要嘅就係 KEEP 住呢股勢頭,唔好俾支那共匪、港共傀儡政權咁得戚,同埋俾國際睇到香港人唔係待宰嘅豬。記住:遇溺係要求救,唔係等出事先至扮家屬埋怨點解無救生員救人。

返回主頁

Be the first to comment

Leave a Reply

Your email address will not be published.


*