國泰收購香港快運?制唔過囉

起身就見到國泰航空發出上市公告洽談收購香港快運 (UO) 進行中,雖則都傳咗幾日,但都有啲震撼。事關 UO 母公司海南航空乾塘要周圍撲水就梗,搵到國泰其實有政治考慮,但係從 Marketing 角度,國泰擸埋 UO 查實未必有著數,但國泰竟然真係傾收購,我心諗國泰董事局係咪要去養和照腦呢。或者真係受咗好巨大嘅政治壓力。

海南航空要出售 UO 嘅消息,响財經界流傳咗接近兩年,提出收購意向嘅買家都係「外國勢力」。支那共匪除咗死要面之外,仲有總係唔希望「中国領土」有外國勢力控制航空公司,避免衍生更多响政治上嘅不穩定因素,所以近兩年來的 deals 無一單傾得成。但「撲水」問題已經到咗十萬火急之際,就唯有搵國泰老襯。

UO 盤數確實好靚,有實質盈利,但要知道 UO 嘅 revenue 有一定比例係來自旅行社嘅包機,例如東瀛遊、康泰等等。而其中康泰,黃士心父子已經賣清晒股份俾海南航空。如果國泰真係成功收購 UO,呢啲旅行社會唔會抽走啲 Charter flights?邊個敢寫包單一定唔會!

有人以 LH 或 SQ 為例,引證國泰收購埋 UO 就「齊章」多個航空客運 Market segments 而可以有所作為,我就真係唔多同意。先講 LH,之所以生存得到,或多或少係同左賊最鍾意嘅「大一統」中之「大」有關,淨係德國國內都有大把空間俾 LH, Lufthansa Cityline (CL), Eurowings (EW) 慢慢玩。

至於我最愛嘅 SQ,旗下仲有 Silkair (MI) 同 Scoot (TZ),都係三個Market segments ── SQ 係 Premium Carrier,主力於高運量需求、大城市航線;MI 係 Regional Carrier,主力於中低運量需求、二三線城市航線;TZ 當然係 Budget Carrier。睇落好似好FIT,但就搞到一大 pat 屎出嚟,尤其是 MI 同 TZ 之間嘅業務分野,搞極都搞唔清。事關 MI 嘅航線目的地嘅經濟狀況比較遜色,客貨量需求唔高。但又因為咁,又會安排 TZ 飛嗰啲航線。結果搞到 MI 蝕到趴街,但 TZ 嘅 Revenue 又唔係好好。然後拖累埋 Singapore Airlines 成個 Group 嘅業績表現。

國泰同港龍之間,國泰主力於中長途高運量需求航線,港龍則主力於區域航線,與及以機隊有 A320 系列飛機於低運量需求航線。可見其實已經做到好妥善嘅業務分配。假設成功收購 UO,响航線分配方面就好大可能出現 MI vs. TZ 嘅情況。就以「爭崩頭」嘅日本二三線城市嘅航線為例,例如鹿兒島、名古屋、廣島、仙台….. 到底俾 KA 飛定 UO 飛,真係會考起好多人。再例如 清邁、布吉,乜消費能力水平嘅客都有,會唔會搞到 KA 同 UO 之間「自相殘殺」呢?

最大嘅問題唔單止在於太古集團有無足夠智慧以能逃過重蹈 SQ MI TZ 嘅覆轍,仲有係香港人對於「搭飛機」呢三個字嘅概念仲停留响廿幾年前,加上「咸魚思維」總係想俾$100 得到 $1000 嘅服務,要响市場上將 CX KA UO 做出清楚嘅業務分野更是難上加難。所以單純從商業角度,國泰收購 UO 未必有著數。

更甚是支那共匪從來做生意啲手段都係非常嗱喳,最鍾意就係起人尾箸過橋抽板,無人可以預計到國泰肯落搭直到完成交易期間,海南航空會唔會玩啲乜嘢而搞到國泰「俾咗錢但收到嘅係一堆垃圾」就是不能排除。咁仲唔係不歸路!所以,股東應該發動力量推倒呢單收購,太多可以導致損手爛腳嘅風險,搏唔過!

利申:未持有國泰航空 (00293.HK) 任何股份或投資衍生工具產品。

返回主頁

1 Comment

  1. 國泰航空 = 世界的國泰

    國泰港龍 = 大灣區的國泰

    香港快運 = 廉航的國泰

    華民航空, 國泰 Cargo = 貨運的國泰

Leave a Reply

Your email address will not be published.


*