砂朥越復邦在望??

砂朥越及沙巴嘅憲政地位問題嘈咗九世,馬哈迪自去年5月上台以來不斷放話會妥善處理,恢復砂朥越及沙巴嘅邦屬地位。但一直得個講字,未見有實質行動。但失驚無神首相公署法律部長劉偉強日前公佈,聯邦內閣已議決同意修改馬來西亞聯邦憲法,恢復砂朥越及沙巴根據通稱 MA63 (即是馬來西亞聯邦組成協議) 嘅邦屬憲政地位,並將提交草案到國會於3月11日進行辯論表決。果然南洋政治就係「唔聲唔聲嚇你一驚」。

本來好多人,包括我在內,都對馬哈迪不抱任何期望,甚至預佢對砂朥越及沙巴「走數」。雖然,憲法修訂草案仲要經國會表決2/3贊成,先至叫做正式「找數」;而且,希盟本身加上沙巴民興黨都只係135席,距離「2/3議席」的148席仲爭13席,即係未能完全肯定可以「找數」,但馬哈迪提出修訂,算係基本有所交代。仲爭嗰13票馬哈迪攞唔攞到就仲係未知之數,不過砂朥越首席部長阿邦佐(Tun Abang Haji Openg)都表示支持修憲,相信砂拉越政黨聯盟 (Gabungan Parti Sarawak) 响吉隆坡嗰19席如無意外都應該「歸位」。但當然,未到星期一,大家都唔能夠肯定。

或者先再次簡單講返何謂「砂朥越及沙巴嘅邦屬地位」問題。(費時你哋)

馬來西亞呢個國家,係响1963年9月16日由馬來亞、新加坡、砂朥越及當時稱為北婆羅洲的沙巴,四方訂立協議以平等地位所組成。

但執政嘅巫統經過逾十年嘅嗱咋政治手段,响1976年修改憲法將砂朥越及沙巴由「邦」降格為「州」。

今次如果修憲成功,就恢復返去1963年嘅憲政狀況。之後將會發生乜事,就暫時唔講住,始終有啲嘢講唔埋,而且有一啲因素來自支那共匪。不過,如今馬哈迪提出修憲草案,確係有幾班人會好唔高興。

第一當然係巫統班賊,事關吸咗砂朥越同沙巴啲錢咁多年,修憲成功有如截斷佢哋條水喉。

第二班係响砂朥越只會日日打咀炮話要爭取「脫馬」嘅友仔。呢班人論述空泛,行動計劃欠奉,脫馬後嘅管治安排無諗過。如果通過修憲,呢班友仔就根本唔識「接招」,打咀炮無以為計。

雖然結果仲要等到3月11日先至知道,但以目前嘅形勢狀況,多少都給香港一啲啟示。

第一,最老土嗰句,唔好一味諗「無可能」,所謂「幸福係要自己爭取」,砂朥越 (以至沙巴) 人民就做咗好好嘅示範。

第二,整個爭取恢復邦屬地位嘅過程,砂、沙兩地人民只係抱住一個諗法 ── 道理在我手,就要據理力爭。

另外,我寫過香港同砂朥越嘅對比,根本就係同病相憐,而且「症狀」非常相似。所以3月11日,香港人堅要認真昅住吉隆坡發生乜事。香港傳媒應該唔會報,就算報都係亂報、甚至鳩報;更可能因為支那共匪而歪曲咁報。我會盡量提供有關消息,請大家昅住小弟嘅 TwitterFacebook 同 訂閱 Telegram 頻道

返回主頁

Be the first to comment

Leave a Reply

Your email address will not be published.


*