引渡黃台仰即係打開潘朵拉寶盒

梁天琦等人的暴動罪案件重審,結果除咗容偉業之外,其餘的陪審團都裁定罪名不成立,或未能達至有效大比數而法官應該都會宣告罪名不成立,港共傀儡政權當然頂住度氣,尤其是689同張匪曉明呢兩件變態狂魔,一心想不擇手段做死梁天琦,於是乎高調放料打算向 Interpol 出紅色通緝令通緝黃台仰同李東昇,諗住將佢兩個引渡返嚟就可以要求 DOJ 重審,將梁天琦打入天牢要佢永不超生。當然可以見到689同張匪有幾喪心病狂,但當見到德國政壇在暴動案宣判後高調表態,其實亦可以話689佢哋根本係「唔識路去柳州」。

先此聲明,我完全唔知黃台仰同李東昇目前身在何方,只係綜合各方消息,同埋港共傀儡政權關於紅色通緝令嘅「放風」,估計响歐洲某處。但响歐洲邊個國家唔緊要,德國政界嘅高調,已經表明咗歐盟唔會同港共傀儡政權合作「交人」,事關睇返日前份聲明,其實講得好清楚,認定有關嘅檢控係政治操作,而唔係一般嘅刑事案件;而且係支那共匪同港共傀儡政權响民主、人權對香港走數在先。另一方面,港共傀儡政權政權嘅「放風」講到黃台仰「著草」接近兩年,可以理解成歐盟,或至少佢哋藏身嘅國家,係立心要保護住佢哋。呢個情況可以視之為另外一種表態。而加諸於日前份聲明,就更加肯定港共傀儡政權、支那共匪係唔可能得手。

但正如開首所講,港共傀儡政權、支那共匪 (尤其是嗰兩隻變態狂魔) 一定唔肯罷休,即係預計必會向 Interpol 出通緝令,而當通緝令發出之後,以歐盟嘅立場同態度,除咗一定唔會「交人」之外,亦預計會有其他反應行動。

最簡單,就將日前份聲明嘅意思及措辭升級,直接講明「政治檢控可恥」「打壓人權可恥」,港共傀儡政權同支那共匪除咗鳩叫「反對干涉香港內政」之外,乜都做唔到,已經夠晒無癮。甚至乎以我了解嘅 Interpol 嘅行政程序,多少要搵人認頭 that 到底邊個(國家) 收埋咗佢兩個,正常就唔會有國家認頭,但亦可以最串嘅玩法,就係有國家認頭,不過直接講明「我哋基於民主同人權係唔會交佢哋出嚟」,激到港共傀儡政權、支那共匪眼火爆,到時真係夠晒好玩。

再甚至乎共匪忍唔住作出口舌之爭,隨時就引起全世界圍剿,直指成單檢控嘅問題所在,連埋支那共匪點樣响一國兩制上走數嘅背景,一路追到去DQ、釋法、確認書…… 起山墳式無限上綱,就睇下你港共傀儡政權點樣接招囉。更重要嘅係,如果真係嘈起上嚟,美國就會夠料取消「香港政策法」,到時支那共匪就準備玩手指都唔怕。所以咪話出通緝令等如打開 Pandora Box,係支那共匪自己以為好威威之嘛。

不過咁,所謂知己知彼,要諗埋嗰兩隻變態狂魔有乜盤算。佢哋連埋直到江匪澤民成個派系某程度上對於國際嘅反應會係樂見其成,因為佢哋個腦充斥住「長春圍城」嘅概念想對香港「閂埋門打仔」,同埋基於「我要唔到都整爛晒佢」將香港有咁亂搞咁亂。但問題係佢哋實在太自大,以為西方列強唔會夠佢哋鬥,典型仲係停留响大清時期嘅思維,以史鑑之,佢哋都係遲早仆街。但就因為呢班變態狂魔嘅破壞力實在太驚人,如果港共傀儡政權真係出通緝令,香港人真係唔可以掉以輕心。

另外順便講,梁天琦嘅自辯將責任推晒去黃台仰身上,有啲柒頭就 Spin 黃台仰正一仆街仔。無錯,表面睇天琦啲證供確係黃台仰好賤格,但實情會係,得佢哋之間先至知。要明白,天琦同台仰嘅內心都係對香港有承擔,而唔係啲假本土、本土共一味得把聲,唔好話乜都唔做,係連製造啲「噪音」都係論述欠奉。

目前要做嘅只能靜觀局勢變化,但可以講,國際對今次單「暴動」案嘅態度、行動,已經反映香港唔係無人理,無變成燦或豬嘅香港人,要多花時間留意外國嘅新聞,掌握「西方列強」嘅第一手消息。

返回主頁

Be the first to comment

Leave a Reply

Your email address will not be published.


*