農曆新年對付小農奴隸基因大全(2019)

話說2015年,我寫過《農曆新年對付小農奴隸基因大全》,每年翻炒都基本夠用。但只係年年翻炒好似無乜誠意;再者,四年以來香港社會環境嘅變化,四年前嘅版本都好似唔係好夠用,咁就出個 2019年版本,update 一吓俾大家有更加多嘅彈藥應付啲真相係「唔係新年都唔係好想見」嘅嗰啲「野生」親戚。

講真嗰句,香港嘅農曆新年真係變晒質,甚至其實幾惹人討厭。拜年由以往難得同親友聚首寒暄問暖,到今日變成鬥晒命 show off 拋浪頭,鬥阿大表哥搵得錢多、鬥阿二表姐嫁到個高富帥住大屋、鬥呀三姑媽個孫入到名校,再唔係就鬥四叔公同五表伯揸架車嚟拜年邊架貴啲靚啲…… 一係就係咁問拍拖未、幾時捨得結婚、「你阿媽恨抱孫」催生仔…… 應酬附和完一輪食完餐飯派/逗完利是就「下年再見」,而心底裡隨時仲會諗「無乜嘢都唔好見」,比著你都真係唔想過年囉。但始終所謂「傳統」,啲「拜年」節目都幾難避。既然避唔到,就諗計拆招啦。

小學雞篇
親:嘩,咁快咁大個喇,嗰陣時見你仲係塞豆窿咁
回1:查實你都幾乎一年見我一次,睇住我大啦,講呢啲假唔假啲呀!!
回2:我响阿媽個西門咇出嚟嗰一刻都最少40cm,呢個世界有無粒豆有呢個嘥士吖?? (小心俾老母開年)

親:讀幾多年班呀?
回:又唔係你幫我考試測驗,問嚟做乜唧。家陣啲學校驚死俾啲家長嘈,塞成堆假期功課呀,讀幾多年班有乜分別呢??

親:有無考第一呀
回:一年裡面十單八單學生跳樓都係因為呢條問題咋。唔想今年係最後一次見到我就咪問啦!

親:就快升中喇喎,媽咪有無同你揀定啲心水學校呀?
回1:阿媽揀就一定我鍾意架喇?啱我讀嘅咩?明啦,君臣父子長幼有序,身體髮膚受諸父母,總之老豆老母話點就點,我有乜諗法都係錯啦。
回2:揀邊間又點唧,除非讀國際學校咪又係要捱DSE

中學鴨篇
親:嘩,睇住你大,咁快讀中學喇,俾心機喇
回:老豆老母無錢供我去外國讀,唔讀中學咁讀乜呢請問??

親:出年考DSE 喇喎,有無諗過入邊間大學讀乜嘢科呀?
回1:考到先算啦,家陣香港啲大學學位俾共产党派落嚟啲蝗蟲搶晒,讀條毛咩
回2:考到先算啦,家陣香港讀乜科出嚟,都係買唔到樓,然後俾你哋喪吠係廢青架啦

親:有無人細鬼大拍拖先?
回1:就算拍拖咁又點呢?古時啲人十零歲已經結婚生仔都係咁啦,點解你唔咁樣話啲古人嘅喂?
回2:好似孫中山咁,18歲就娶咗個老母精,點解無人咁樣話佢嘅?呀仲有呀,史書記載,佢後來仲拋棄糟糠淫慾幼女朝秦暮楚,但點解啲人仲會叫佢做乜鬼國父嘅喂?點解嘅 點解嘅 點解嘅???

大學鵝篇
親:阿乜太呀,幾快呀,你個仔/女讀大學喇喎
回:入唔到大學要出嚟做嘢的話,你會唔會同我老母講,話我正一廢青吖?

親:讀邊間大學,讀乜嘢系呀?
回1:今時今日嘅香港,讀邊間讀乜閪都係咁架啦。畢咗業咪又係買唔到樓做廢青。你睇吓吖,讀法律出嚟做律師咪一樣要住劏房……
回2:今時今日嘅香港,除非埋共产党堆,否則讀乜閪嘅結果都係同乞食無乜分別架啦。

親:有無拍拖呀? 幾時帶個女 (男) 仔嚟俾我哋見下呀?
回:除非我溝咗你個女 / 鎅咗你個仔,否則做乜要俾你哋見呢?

「社會大學」篇
親:做緊邊行呀?
回:依家香港地除咗投共,做邊行都係餓我唔親、飽我唔死,餐搵餐食餐餐清,俾你哋啲廢老嗌廢青架啦

親:搵幾錢一個月呀?
回:總之唔係搵冥通銀行啲錢就得啦

親:有女/男朋友未呀,駛唔駛介紹個俾你呀?
回:家陣咁多交友APPS,唔駛麻煩你啦。況且,古語有云「唔做中唔做保唔做乜乜三代好」,無謂搞到你冚家三代折墮啦

親:幾時買樓呀?
回1:家陣啲樓乜嘢價錢呀?仲要細到擺得張床擺唔到衣櫃,買嚟把托咩!留返啲錢去旅行好過啦!
回2:家陣啲樓乜嘢價錢呀?仲要細到擺得張床擺唔到衣櫃…..不如留返舊錢,移民去台灣或者新加坡,嗰度啲樓大間到由門口打幾個關斗都未到房門口呀!
回3:家陣啲樓細到咁,人住架?

親:幾時結婚呀?
回1:雖則古語有云「男大當婚女大當嫁」,古時啲人都係十零歲就結婚生仔,但正如游蕙禎話齋,依家我想同女(男)朋友去仆嘢都無呀,結條毛咩!
回2:結婚?住邊呀?樓又咁貴,公屋俾啲大陸村姑霸晒,結條毛就有囉。我認我係廢青架

親:拍咗咁耐拖仲唔結婚?
回1:請問有乜標準話拍咗拖幾耐就一定要結婚嘅呢?
回2:放心啦,要結的話一定請你飲,記得做人情呀到時。

親:你老豆阿媽恨抱孫呀,快啲喇
回1:佢哋想湊B其實可以去做鐘點好過啦,可以搵多個錢飲茶賭下馬仔,仲爽啦
回2:學李麗姍話齋,生一個B要使400萬呀,你咁著緊我老豆老母有無孫抱,不如你俾400萬我先啦

都係嗰句,呢啲一年先見得一次嘅所謂親戚,駛撚俾面咩,收佢哋皮撚就啦!

返回主頁

Be the first to comment

Leave a Reply

Your email address will not be published.


*