事後孔明之咪話車公唔準

每逢大年初二,鄉議局都會去沙田車公廟求韱。今年年初求得第廿一韱,之後又話撈亂咗應該係四十一韱先至真。所謂信則有不信則無,又每個人對韱文嘅理解都唔同,而根據我所解嘅 (可以click 前面有 Link 睇返),响年廿九睇返,無論廿一定四十一,都係應到唔應,中唔晒都中咗大半。

先費時大家慢慢摷,睇返兩枝韱嘅韱文:

第廿一韱
頃畝之田歲月深,祖宗創積到于今
勸君勿論多和少,寸土原來一寸金
解曰:家宅興旺,自身平安,求財半遂,佔病不妨
斷韱:家宅小康興旺,自身守業,出行皆宜,姻緣合意,行人在途中,生育可得男孩,訴訟勝望較高,事業守業為佳,搬遷不宜遠遷,自身修身行善,疾病小心大病但有祖蔭,財運需艱苦要知足。

第四十一韱
攝衣欲過灘頭淺,轉計回來怕濕身
人若不信辛苦事,何能取得保全寧
解曰:凡事小心,自身平吉,求財吉利,家宅後吉
斷韱:家宅不寧但後吉,自身要勇敢果斷,出行合宜但謹慎,姻緣退縮則不成,生育不順但無礙,行人途中有阻,財運艱難,勿圖不勞而獲,訴訟和談可解決,搬遷不宜,疾病可愈

我對第廿一韱嘅解說,係車公提醒香港人要守護家業,唔好唔記得前人建立嘅基礎;自身修身行善,自我反省。但過去一年,港燦港豬根本就無聽車公話,有得港共傀儡政權同支那共繼續胡作非為。兩場唔應該出現嘅補選都俾共匪政棍得逞之外,高鐵一地兩檢都四個大字關人撚事,仲要通車嘅時候只顧狗衝;另外呢,繼續「咸魚思維」肆虐。唔聽吖嘛,所謂報應咪嚟料囉。車公提醒咗「小心大病」,結果樓市開始下滑,上星期終於出現樓宇按揭負資產嘅報導。仲唔係應咗?!

另外,我嘅解說另有提到「守業」可能需要「借助外力」。劉慧卿去信英國政府要求給予BNO居留權,早前離世的艾思定爵士與及 Rees Mogg 呢條奸臣都先後「楝旗」爭取俾返香港應有嘅權益;美帝紙老虎更直頭鳴槍示警要取消香港關係法。連埋德國及法國等歐盟國家都有所行動,雖然真係「行人在途中」,但整體嚟講都可以話車公應晒。

至於第四十一韱,我解說話車公屌鳩香港人「又要威又要帶頭盔」遲早出事;同埋鬧鳩港共傀儡政權玩好女兩頭瞞遲遲早爆大鑊。卒之呢,何志平被美國拘捕收監,而支那共匪同佢玩割蓆。車公中撚晒!再然後的,華為孟晚舟出埋事。兩單嘢夾埋,香港呢個支那共匪白手套身份徹底曝光。唔止應晒棍,仲直到扑到爆晒缸。你都咪話唔好唔信邪!香港再繼續咁樣玩落去,必定爆大鑊。

另外,斷韱的「訴訟和談可解決」,但港共傀儡政權乜春都霸王硬上弓,甚至再扯遠少少,美中貿易戰支那共匪唔肯退讓仲以為自己大撚晒,港燦又繼續憨鳩鳩地以為「祖國很強大」,加埋「財運艱難,勿圖不勞而獲」而對照返第廿一韱車公斥責的「咸魚思維」,香港人今次仲唔準備仆街!

再講多次,呢啲「大迷信」信則有不信則無,但呢個宇宙總係有所謂冥冥中有主宰,車公年初講嘅嘢都唔好話無料到。至於己亥豬年會係點?等年初二啦。得嘅話我都會再解嘅,希望上天仍然會俾我有呢個能力同埋時間啦。

最後,循例同大家拜個早年,恭祝各位豬年諸事大吉,身體健康,出入平安。但記得「小心睇路」

返回主頁

Be the first to comment

Leave a Reply

Your email address will not be published.


*