己亥開年之香港唔係無人理

己亥豬年大年初一,循例祝各位讀者朋友豬籠入水,唔好遇上豬隊友,更加唔好變港豬!

開年呢兩個字乜嘢意思都唔駛多解釋。今年新正頭要「開年」嘅其實有好多嘢,但最值得講嘅應該係西方列強嘅農曆新年祝賀短片。

美國、法國、德國駐港使節先後拍片賀年。美國嘅製作方面無乜新意,法國佬同德國佬就扮落區與民同樂,表面睇就無乜嘢,但細味內容真係玩嘢到極致。但分析啲內容之前要先明白,禮節上西方列強無必要咁做,甚至無需要出聲,頂多係政府外交部禮貎上循例講兩句祝賀說話就算。言下之意,美、法、德視香港嘅地位唔係一般嗰種。

內容方面其實充滿挑機之意。美國嗰段片一開波就講到170年前已經响香港設立使館,意思就係話美國一早就同香港嘅聯繫。對照返美國同中华人民共和国建交於1979年,用香港通俗講法就係「美國同香港有聯繫嗰陣你共产党都唔知响邊」,呢一吓其實 K.O. 支那共匪。

另留意拎錄影帶時呢個畫面

VHS 錄影帶擺明玩膠,最重要嘅係十幾餅帶入面其中三餅,分別係「大時代」、「唐山大兄」同埋「歡樂今宵」,所蘊含嘅訊號簡直瘋狂。美國社會認識現代嘅香港,李小龍絕對係一個極重要嘅媒介,甚至可以話始祖;「大時代」呢套電視劇,今時今日香港人睇返真係覺得係一套神劇;至於「歡樂今宵」嘛,30歲以下嘅唔知係乜,就算知都只會覺得好撚老土嘅東西,但我曾經寫過呢個節目對香港嘅娛樂事業有好大貢獻;而响宏觀社會文化歷史方面,「歡樂今宵」曾經可以話係香港人最重視嘅電視節目。唔少响97前移民潮移民去美加嘅港人,有去影視店租錄影帶返屋企睇嘅習慣,租嘅都係香港嘅劇集同埋「歡樂今宵」

呢三餅錄影帶要表達嘅意思,我認為一來係強調美國一直同香港保持聯繫,範圍係包括响娛樂文化方面;二來係話昭告天下美國一直有留意香港社會嘅變化;三來係提醒返香港人唔好唔記得97前香港有自己嘅社會同娛樂文化。引伸出嚟俾啲會用腦嘅人諗返吓支那共匪响過去21.5年點樣搞撚爛晒香港。

法國使館嗰條片,的確充滿一陣「法蘭西硬膠」味。拿破倫 vs. 關雲祥,唔止係嗰陣膠味,仲係一種文化對比,串中國人嗰種「神明化」某啲古人嘅思想好似唔係好合邏輯。無錯,法國佬對宗教文化有誤解,或至少唔理解,但如果對照返共产党將毛澤東奉若神明、甚至乎習近平都開始搞個人崇拜將自己神明化,咁就會睇到法國佬係串到支那共匪一楝都無。

法國為乜事要「玩到咁串」?老實講,法蘭西硬膠有時係好難理解,但係一般香港人就咁睇條片會覺得好爛Gag,就已經足夠。因為反映香港同法國嘅「膠」係可以撈得埋,反觀香港同中国…… 明啦掛?!

至於德國使館嗰條片就簡直係神級,去深水埗拍就反映德國有幾願意同香港作深入嘅聯繫;仲要去公和食豆腐,係話俾全世界知德國同香港之間嘅交流唔止 Benz 寶馬 Siemens。買隻豬去「拜年」,的確係串爆陳肇始同港共傀儡政權,但都事少,打麻雀先至係最攞命 ── 願意融入香港社會之外,「第一次打麻雀就食糊」係一個好強好強好強嘅訊號,講緊德國對香港嘅立場同目標。具體係乜就「天機不可洩漏」。但參透得到就會知德國有幾睇重香港。

另一方面,通常香港人最期待嘅係英國使館嗰條片,但點知就甩晒轆,一個二個(包括我在內)嗌「有無搞錯呀,迤到咁樣」。正當「鎅櫈」之際,英國首相文翠珊就透過 首相府 FB Page 出條片。又係先唔講內容,單係睇返英國今次嘅安排係「將行動升級」,由駐港使館移師返去倫敦首相府,反映英國對香港嘅態度同立場出現微妙轉變。仲要呢,首相府 FB Page 管理員做 Schedule post,校正香港時間大年初一00:00 發佈,真係唔可以話「英國佬走咗就唔會再理香港」。

短片嘅內容講到,英國係亞洲以外慶祝農曆新年最大規模嘅地方

呢句真係好串。串之處係話俾全世界知,英國同中國文化 (唔係共产党或國民黨嗰種) 嘅聯繫係極之強大。如果稍為深入一點去思考,就會搵到呢個聯繫最大嘅因由就係香港。無錯,英國响亞洲嘅殖民地仲有檳城、馬六甲同新加坡,但英國早在1963年全面撤出。香港留到1997年之餘,港府响1960年代開始就陸續加強同農曆新年以至華人文化節慶嘅工作。年宵市場就係英國政府將歐洲嘅聖誕市集嘅概念引入嚟香港而策劃出嚟,年初二煙花匯演又係英國殖民走狗;甚至話農曆新年前期間默許周街小販擺賣呢種香港地道文化,亦係由年宵市場再延伸演變出嚟。文翠珊今次嘅「大口氣」係有實在根據,而個根據就係來自香港。

文翠珊呢條片要發放嘅訊號,反映英國政府對香港嘅立場同態度嘅轉變得比之前明確好多,已經夠晒屈機。失驚無神再嚟多一條由 The Army in London – HQ London District 專頁發佈來自香港嘅英國御林軍衛隊樂手王卓豪准下士獨奏農曆新年樂曲《春節序曲》嘅短片,意味英國對香港絕對唔係港豬、港燦、大一統左賊嗰隻「英國佬走咗就唔會理香港」。

要知道一條約3分鐘嘅短片,單係拍攝同剪接後期製作耗時起碼10個鐘,仲有前期策劃同準備,一樣非常花時間。走回基本步,如果香港真係無重要性,「西方列強」邊會咁得閒搞咁多嘢。所以呢,唔好再覺得香港「鼻屎咁細」無乜重要性。唔計 David Wong 嗰條片,四條片嘅意思同訊號已經好明確,奉勸香港人响豬年千祈唔好「豬」。

PS. 我特登放少咗一條廣告,咁仲唔明今次過年「外國勢力」嘅搞作有幾重要,咁就真係「豬」。

返回主頁

Be the first to comment

Leave a Reply

Your email address will not be published.


*