唔專業解韱 2019

己亥年大年初二,鄉議局繼續派人到沙田車公廟為香港求韱問卦未來一年運程,結果求得第86韱;另外沙田鄉事委員會為沙田求得82韱。在未拋書包班門弄斧之前,先同鄉議局劉業強講句:「曲解韱文,小心招天譴」。

車公大元帥第86韱嘅韱文如此說:
石田為業喜非常,畫餅將來未見香;
怎曉田耕耘不得,那知餅食不充腸。
解曰:出入謹慎,家宅不吉,自身平安,求財不遂
斷韱:家宅清貧,佔病頑疾不畏,自身實幹,出入有阻,婚姻波折不畏,姓名含田土王工者吉,求財少許,瘦田可樂,靚餅可悲,寒冬之日,松現花非

車公大老爺講乜?精彩咯!

石田種到嘢嗎?竟然為塊種唔到嘢嘅地而喜,就係唔撚正常。直接啲講就係痴撚咗線嘅所為!「畫餅充飢」呢句四字成語。畫嘅餅無得焗,梗係未見香啦!

頭兩句其實係鬧鳩香港人一直活响FF嘅時空。FF啲乜?石田為業喜,即係不務正業搵到錢而喜。香港一直如何不務正業而搵到錢?咪就係靠炒賣囉。而其中「石田」之意,該係指地產。言下之意,即係鬧鳩香港人一直靠炒賣致富就係痴線,仲要以為炒樓、狗衝買樓就是王道。但車公仲未鬧完,後面兩句鬧得仲甘。

怎曉田耕耘不得對應返「石田」之說,即係以為靠炒就得,仲要笑嗰啲搵田耕嘅係傻仔。即係鬧港燦港豬忘記咗「腳踏實地」呢四個字,鄙視嗰啲靠實力嘅人係憨鳩不特只,仲要話嗰啲係廢青。畫出嚟嘅食唔到落肚,梗係唔會飽啦。但過去咁多年,唔少人提咗炒賣經濟根本係虛火,但港燦港豬就當耳邊風。

綜合四句韱文之意,其實就係「風水輪流轉」,港燦港豬準備「有咁耐風流,有咁耐折墮」。依家各類「投資」市場陸續出現跌市,就是「仆街」嘅開始。

引用「斷韱」再深入一啲去理解,「佔病頑疾不畏」就梗架啦。幾呀年靠炒賣維生仲唔係「頑疾」呀!好彩香港總算爛船仲有三斤釘,所以「自身實幹」而「不畏」。但「瘦田可樂」意即無得再炒而要靠「穿膠花」過活,即係要重回昔日「腳踏實地」嘅環境先至可以醫返好個病。直接啲講就係車公大元帥叫香港人唔好再諗住靠炒賣投機。

成枝韱其實係講緊香港靠不務正業搵錢、投機炒賣積財嘅日子即將消失;另外就係屌鳩港燦,一方面係車公大元帥佢自己起碼响舊年有提醒過,另一方面係坊間其實唔少「廢青」都做過好多提醒,但你哋啲港燦港豬死都講唔聽嘛,咁就等仆街啦。

再上推一層,近十幾年嚟,港燦港豬不斷受到港共傀儡政權同支那共匪吹噓「祖国很強大」,就以為「背靠祖国盡得先機」,就是韱文頭兩句該要表達嘅另一個意思。仲要呢,明明支那匪區經濟同政治局勢在過去最少五年出現不穩,都仲係盲目認定「有祖国支撐就唔會有問題」,懶理有如我呢啲濕鳩評論員成日講支爆,認為只係嚇鳩人,就是韱文後面兩句。如今車公大元帥要講嘅就係「路係自己揀,仆街唔好喊」!

政治方面,韱文除咗都係屌鳩港共傀儡政權一味「背靠祖国」之外,亦係鬧港共傀儡政權不務政業,民生搞唔好,顧住拎啲錢搞好大喜功俾支那共匪cap水,然後就如劉業強「招天譴」之說叫港燦同你合作,全部都係虛嘢來的,所以「畫餅未見香」囉。另外,港共傀儡政權都有份鬧「廢青」,嚟緊嘅局面都係「留名等仆街」。林鄭好自為之。

而以目前支那共匪對香港事事干預嘅政治現況,呢枝韱確係仲有算埋共产党方面。支那共匪幾十年來都係「石田為業」不特止,都係不斷做賊响世界各國偷嘢,結果咪招致「西方列強欺負」,嚟緊咪就係「餅食不充腸」囉。加埋「石田」响匪區其實都係支那共匪人工煉成,即係話支爆肯定到了,而且仲係支那共匪自作孽,真係唔好怨 Trump 總統夾埋歐盟「欺負」中華民族囉。

另外,斷韱的「婚姻波折不畏」,即係話香港同支那共匪呢段婚姻出咗問題。「不畏」即係最終拆得掂,但照睇牌面唔係一眾土共FF嗰隻「破鏡重圓」以至張匪曉明嘅「一國一制」,應該係「性格不合」而離異。只是任何辦理分居離婚嘅過程都係成堆麻煩事,所以「寒冬之日」囉。香港係準備迎接巨變,表面睇最大嘅可能就係港燦港豬大一統左賊認為最唔可能嘅事。係唔係就讓時間證明。

========

順便簡單講埋沙田嗰枝82韱。

心中日復自思量,時運未通怎主張;
進退難為無定處,恐防患禍與災殃。
解曰:出入謹慎,凡事小心
斷韱:家宅憂慮迷惘,佔病心病還須心葯醫,自身疑神疑鬼,出入小心,婚姻不合,求財求福,時運未通,進退失據,胡思亂想,祈福消災

照睇「進退難為無定處,恐防患禍與災殃」同斷韱講明「出入小心」,應該就係沙中線將會爛尾收場。事關以沙中線已揭露嘅醜聞,在工程角度根本就是「進退失據」;而港共傀儡政權以至支那共689暴君為咗死都拗返生,當然「胡思亂想」

而因為沙田係香港嘅一部份,就要夾埋第86韱去睇沙田嘅「地運」。沙田可以話係地產炒賣嘅「重災區」,照睇沙田區嘅樓市都凶多吉少,仲可能因為有唔少新盤,特別係馬鞍山,更會係本港樓市仆直之首當其衝。

十幾呀年靠炒賣維生,一下子無得再炒而要「穿膠花」喎,梗係「家宅憂慮迷惘」啦。「佔病心病還須心葯醫」,又係幾呀年嚟靠炒賣搵唔少,唔好話要「獲利回吐」嘔返出嚟,所謂往常食慣使慣而嚟緊要咸魚青菜喎,個心梗係唔舒服啦。咁個心唔舒服就必定「疑神疑鬼」。然後的,就係掛住炒賣,所謂實業嘅基礎技能無晒,當然就「進退失據」,然後呢,人性自不然會日夜諗返靠炒賣過得點風光而自怨自捱「胡思亂想」。

=======

總結而言,香港今年將面臨經濟、社會、政治巨變;靠炒賣嘅日子不再,反之過往試圖憑實力做事但遭恥笑嘅人,將會得到上天眷顧而開始極地翻身。仲繼續懵盛盛嘅港燦、以為「背靠祖国很強大」嘅港豬同一眾土共,自己諗掂佢了

返回主頁

Be the first to comment

Leave a Reply

Your email address will not be published.


*