初三赤口梗要鬧爆廠

今年過年,我真係幾有興致鬧人,一來朱西陳澍呢兩件仆街無端端封我Facebook辣著我把火,二來年初二車公靈韱都鬧得幾狠(詳見前文我嘅唔專業解韱),引伸出嚟三來照睇大形勢港燦港豬唔識死。

先講返朱西陳澍,我用咗個殘餘仲用到嘅 Review 功能,但事隔咁多日都無回覆

雖然都預咗唔會有反應,但成件事反映朱西陳澍真係仆街冚家鏟到無人有,抵德國政府鳴槍示警隊鳩佢哋亂收集數據。可以透露,我已經徵詢咗法律意見,唔係無得搞佢哋,不過手續比較繁複。總之呢單嘢我唔會就咁算,奉勸「毛澤東私人攝影師個仔」好自為之。

但就順便要鬧香港人,一係就不問世事,一係就過份依賴 Facebook 呢個平台。呢樣嘢我講過好幾次,但觀乎目前嘅流量數據,仍然都係來自 FB 佔相當高嘅比例。呢個我有啲擔心,但唔係怕無人睇我啲垃圾,而係明知朱西陳澍將啲 Script 亂改一通影響咗 Feed Distribution 令到大家其實 miss 咗好多資訊;講緊嘅唔止係我啲文章,係仲有其他傳媒機構嘅資訊消息,特別係外國嗰啲。事關香港唔係好多人會認真的成日昅住外國新聞,啲 Feeds 已經比其他嘢少咗,再加埋朱西陳澍嘅政治審查,就更加影響到大家接收資訊。因此,恕小弟不厭其煩再三呼籲,盡量學習同運用返未有 FB 時期嘅習慣,例如 RSS、Bookmark 之類,同埋唔好只係上 Facebook,上多啲其他網站。

車公支韱就唔再詳講,但香港人再唔醒水,就真係神仙都難救。事關「大形勢」唔止香港會面臨巨變,仲有因應國際政治形勢,當依家各西方列強所做嘅都係針對中国,香港根本係响暴風圈接近中心嘅位置。

就先講返近期最熾烈嘅華為呢場大火。女主角孟晚舟有香港特區護照,涉嫌同伊朗有生意往來華為間子公司係响香港註冊。剩係呢兩個條件已經反映美國要對付支那共匪嘅過程入面必定波及香港。啲土共成日講「香港無人理」根本就係呃鳩人,一來係弱化香港人响國際地位嘅自我形象,二來係透過弱化等支那共匪借香港亂搞一通而香港人都唔會太為意。可以話香港人嘅顧盼自憐嘅思想係自己攞嚟,仲唔抵鬧。

更大嘅問題係嚟緊美國以至歐盟在華為呢件事點樣「欺負中華民族」,香港必定無得倖免,俗啲講就係「等死」兩個字。可是港燦仲係死口硬,或者係勝利球迷嗰種心態。唔好話國際上根本係威迫緊香港要 take side,剩係嗰種仲認為香港唔關事嘅諗法,已經夠整死香港。

華為之外就要講美中貿易戰。我聽到條街度都仲有「維園阿伯」嘅言論,話只係美國唔抵得中国強大。乜嘢叫規矩、咩嘢叫偷嘢係唔啱嘅,完全唔理。中国偷嘢點止高科技,剩係講我最熟悉嘅汽車工業,已經偷唔少嘢。睇吓啲山寨BMW、Land Rover 之類已經係證據啦。或者幾十年嚟,香港受到中國國民黨嗰套歷史觀影響,總係認為中華民族被欺負只係西方列強正仆街,從來唔會諗「中華民族」二百幾年嚟到底有乜問題,結果就認為做賊都無問題。呢啲你哋話係咪抵鬧吖。

香港基於歷史,無可能唔扯到英國。近幾日關於 Brexit 啲新聞多到爆炸;另外,有睇開我啲分析,都會知道 Brexit 關於國籍身份嘅問題香港人必定被牽涉其中。再引伸出嚟,BNO 嘅國籍問題仲涉及到歐盟。英國與及歐盟 (主要係德國同法國) 借農曆新年搞咁多動作,唔好話又有幾多人有認真看待呢啲消息,剩係講有幾多人會著緊出門旅行之外自己本護照嘅重要性,就意味香港人依然係抵鬧。

Brexit 根本就無得拆,尤其是北愛邊境問題直頭係死症。距離29MAR2019呢個 Deadline 剩低一個月多啲,可以發生嘅事會有無限過可能。再仲有已鐵定27-28FEB2019 嘅第二次侵金會,Trump & Kim 會傾到乜出嚟就未知,但如果能夠明白地點响越南嘅意思其實係有如將支那共匪迫埋牆角,就知道嚟緊呢個幾兩個月真係要識得留意成個世界發生緊乜嘢事。但仲掛住只係識用 Facebook 等朱西陳澍唔知隔剩乜嘢渣而十幾廿個鐘之後先至昅到有乜事發生,too late 啦。講到尾,香港人唔好再妄自菲薄,有返啲主動性,唔好等大爆發時先至喊驚,到時係驚都無用。

返回主頁

Be the first to comment

Leave a Reply

Your email address will not be published.


*