馬哈迪玩收編玩到傻咗呀

馬來西亞舊年509大選,馬哈迪率領嘅希望聯盟勝出執政之後,政府施政同行政確係開始有改善,但民生方面仲係好立立亂,經濟亦未有明顯起色;加埋巫統同伊斯蘭黨堆變態佬繼續日日發花癲,大馬局勢都仲係未得穩定落嚟。事實上,馬來西亞好多亂象係同憲法有關,尤其是第153條「馬來人優先」所衍生出來嘅問題;但要修憲需要國會下議院有 2/3 贊成。本來509之後,希盟連埋沙巴民興黨及砂朥越政黨聯盟合計大約120席,2/3 要最少148席,執政聯盟好自然地就會進行「收編」;另一方面,馬來西亞政治有一個叫「青蛙」嘅辭彙,意指嗰啲「西瓜靠大邊」轉黨嘅政客。而巫統除咗有呢啲「青蛙」之外,仲有一啲過去倚賴巫統執政分到賊贓而開飯嘅政客,一下子好唔習慣淪為在野黨少咗政治油水嘅情況而打算求去嘅人;再當然仲有一啲表面上話唔認同巫統理念嘅人,呢啲人都想投靠希盟,亦當然成為希盟打算「收編」嘅目標。

又本來的,希盟嘅政黨,尤其是安華嘅公正黨同民主行動黨,最唔鍾意啲青蛙行徑,對於「收編」有所保留甚至反對,但又明白時而勢易,與及多少會覺得係有人唔再認同巫統所以想轉黨;加上正如前段所講,馬來西亞國內有好多問題係源於憲法,會知道有需要爭取到國會2/3議席去同國家進行大手術,於是就默許馬哈迪咁做。

另一方面,伊斯蘭黨主席哈迪阿旺日日响度嘈生晒種族問題,呢條變態佬以至成個伊黨嘅勢力係必須鏟除。雖然有煽動罪以至國家安全法呢啲重典可以用嚟鏟除呢班變態佬,但採取呢啲硬手段只會造成反彈,所以只能用軟手段曲線兜大圈去對付。而當下嘅伊斯蘭黨不過係巫統嘅寄生蟲,巫統執政逾半世紀,「爛船仲有三斤釘」尚且仲可以餵養住哈迪阿旺同佢班變態佬;而且,巫統唔想沾手種族問題,但養住哈迪阿旺班變態佬就可以拎嚟借刀。於是乎,馬哈迪該是採取削弱巫統勢力呢種方法,「劏」巫統兼向伊黨隔山打牛,嚟個一石二鳥。配合埋 1MDB 案揭出伊黨「疑似」有份,同埋財長林冠英公開伊斯蘭黨根據地吉蘭丹嘅州政府財政爛溶溶負責累累,基本上可以話馬哈迪嘅方向概念係合適。

而在我個人嚟講,仲有砂朥越嘅地位問題,都係要通過修憲先至可以達成,在某程度上我都樂見其成希盟能夠爭取到國會2/3。所以我都靜觀其變而無乜出聲。但就認為巫統以至伊斯蘭黨實在太多仆街賤人,唔可以話想過檔就吸納。

成個「收編」操作本身已經有爭議,而馬哈迪想吸納嘅巫統政客好多都有問題,希盟各成員黨更開始忍唔住口,爭吵聲越來越大。撇除「青蛙」呢個問題,政客睇風向而蟬過別枝,古今中外都經常發生。但巫統幾十年來對馬來西亞可以話有破壞無建設,要脫離巫統投靠希盟,就必須為過去嘅所作所為「跪玻璃」,呢個係無情講的。肯跪嘅咪俾你過檔囉。但有一啲政客嘅仆街事,跪玻璃都無用,呢啲人就一個都唔可以接收。

馬哈迪其中一個打算接收嘅人,係曾經講過先姦後娶、9歲細路女可娶,根本就係心理變態嘅賤人 沙布丁 (Shabudin Yahaya)。呢條撚樣真係見到就眼火爆!

呢條仆街之賤一方面係心理變態程度係醫返都嘥藥費。問題在於佢講過嘅所反映佢嘅心理變態程度之外,換另一個角度睇佢好明顯為咗依附權貴而毫無底線。如今想投靠希盟陣營,就好明顯只係一隻青蛙,呢個已經不容佢過檔。試諗吓,就算佢「跛玻璃」,佢會响希盟入面講真話咩?再者,唔好話當日佢要擦納吉同哈迪阿旺嘅鞋,佢個腦入面無啲變態思想,點可能講到咁撚柒鳩變態嘅嘢搞到變國際新聞呀 DKLM!再者,佢就是不清白、挺納吉,中咗馬哈迪話唔會收嘅三類人嘅兩類,所以更加唔明白點解會同呢條變態佬傾過檔。

我明白馬哈迪好想隊冧巫統同伊黨,甚至係要建立國會 2/3 嘅局面,但有啲仆街响過去對社會造成嘅傷害太大,大到根本無辦法彌補,就必須「少佢一個唔少」,甚至要「一腳踹到外太空」打到佢永不超生先至啱。馬哈迪連沙布丁都想吸納,就真係無得唔出聲要制止呢件事。

又或者咁講,南洋政治從來都係高深莫測,好多時係曲線進行甚至逆向操作。不排除馬哈迪借沙布丁呢條撚樣引發對巫統更大嘅「戰事」,但目前無法判斷老馬係咪咁搞法,就必須要「鳴槍示警」阻止呢條變態佬做青蛙。否則,唔好話成個希盟之間嘅合作會否危危乎,開呢個極壞嘅先例就隨時搞到就算成功隊冧咗巫統同埋伊斯蘭黨都只係「食砒霜殺老虎」,所以其他「招降」對象尚可以作出觀察,但沙布丁呢個就「打死都唔可以」。

返回主頁

Be the first to comment

Leave a Reply

Your email address will not be published.


*