大灣區計劃,壓毁香港的最後一根稻草

大灣區計劃詳情終於公佈,詳情我就唔嘥字數講。事關响概念上同各縣市嘅定位,擺明就係支那共匪一直以來嘅「農村包圍城市」策略,同埋只係想借香港做白手套,根本係全方位搞死香港。另外,習匪近平同張匪曉明之間平常點樣唔啱牙要鬥餐死都好,但大灣區計劃能夠各取所需,先至係最恐怖之處。

在城市規劃角度,因為大灣區涉及嘅縣市嘅人口、社會同經濟狀況參差,其實係鋪排進行大洗牌。其中要香港承擔非緊急醫療服務,就係進一步收縮香港人嘅醫療資源,形成港人嘅基本生存保障都受到威脅嘅客觀條件,將香港本地人迫走;另外,就係利用經濟狀況較落後嘅縣市形成嘅生活條件,驅使一啲未有足夠能力移居台灣、新加坡以至歐洲嘅港人移居到深圳河以北或珠江口以西。過去我曾經簡述過葡萄牙非洲殖民歷史,提及過人口置換嘅手法之一,就係收縮殖民地原住民嘅生活以至生存空間。支那共匪所做嘅根本相對葡國佬換湯不換藥,呢種正正就係啲左賊成日講嘅「殖民主義可恥」嘅所為。而呢種殖民主義實踐嘅方向,正正就係張匪曉明、張匪德江嗰班極左派嘅目標。

將香港定位於金融同科技為主,就有兩個目標。第一個目標係扼殺香港嘅第一及第二產業 (Primary Industries, Secondary Industries),即係農業同工業嘅發展空間,摧毀香港自立嘅基礎。呢個亦係「收縮殖民地原住民嘅生活以至生存空間」,亦係因為支那共匪仍然 FF 有錢可以灌入嚟香港,使香港嘅經濟活動要倚賴支那匪區大灣區。又正如我曾經簡述過葡萄牙非洲殖民歷史提及的「經濟倚賴殖民主」嘅手法,又係同出一轍,只不過葡萄牙佬就搶奪礦產同農地,而支那共匪就係用錢,工具唔同而已。

第二個目標係透過香港嘅金融系統同科技研發,進行清洗黑錢同意圖同西方列強爭一日之長短,呢個係習匪近平對香港嘅盤算。唔好以為好深奧,依家支那共匪嘅資金進出已經逐步被西方列強封殺,故此希望透過香港作為跳板,要搬錢走嘅就搬,要「吸水」就經香港吸。至於科技方面,華為、中興等遭到封殺,就希望以香港「借殼上市」,避過西方列強嘅圍堵。

兩派本來唔妥嘅而竟然因為大灣區計劃而有共同目標,以毛澤東嘅「聯同次要敵人打擊主要敵人」理論,香港仲唔仆硬街呀!

不過,西方列強唔係蠢材,明知你支那共匪諗住借香港過橋,就隨時一嘢連香港都「斬」埋。唔駛講咁遠,剩係孟晚舟同何志平呢兩個例子,已經睇到西方列強係唔會同你支那共匪客氣,唔會俾面港共傀儡政權。本來西方列強以為支那共匪仲會遵守《中英聯合聲明》香港仲會奉行西方嗰套「跟規矩做嘢」而可以隻眼開隻眼閉,但支那共匪將香港 Downgrade 到只係一個中国城市,即係西方列強焗住要跟你支那共匪嗰套玩法,仲會同你客氣咩!

大灣區對香港嘅破壞,一方面來自支那共匪呢個就肯定,另一方面就係來自西方列強見住香港被支那化,影響到利益,就必定「斬」埋香港。咁仲唔係死路一條呀!

順便講,好多港燦港豬話乜春國際條約係無意思,最緊要講實力,邊個夠強就邊個話事好似美國佬咁。無錯,從利益角度去睇,唔守國際條約可以當無事發生,但唔守國際條約而影響到「錢」呢樣嘢,西方列強咪就可以郁你囉。所以話啲港燦港豬唔好成日「我討厭政治」,「錢」呢樣東西就係政治。

講返轉頭,就係支那共匪唔守《中英聯合聲明》呢份國際條約,影響到西方列強响香港嘅利益;相反地,支那共匪根本就唔想有《中英聯合聲明》嘅存在,但又想同西方列強有利益往來。清楚可見成件事嘅關鍵就係《中英聯合聲明》,係一個明顯嘅矛盾。更攞命嘅係,支那共匪如果遵守《中英聯合聲明》不單難以向13億人形生物交代,甚至影響到中国共产党嘅生存,只不過又想同西方列強就拎住《中英聯合聲明》嚟玩殘你共产党,香港就做咗磨心,香港人有撚排受。

返回主頁

Be the first to comment

Leave a Reply

Your email address will not be published.


*