唔願續領 BNO,到時唔好怨

幾年來我都呼籲香港人續領 BNO 護照,尤其是 Brexit 大風暴衍生出英國國籍問題,加上近年英國政界紛紛就 BNO 國籍問題有所動作,我直頭三催四請苦口婆心叫香港人要趕上續領尾班車,但收到嘅風聲似乎港燦港豬都係無動於衷,所以我都費時再講咁多,等英國政府真係「撳制」時睇班港燦港豬喊苦喊忽好過。

但近日睇到根據英國嘅 Freedom of Information 發佈關於 BNO 嘅續領數據,我就真係無眼睇。

英國政府根據 FOI 發佈嘅 2016 至 2018 年新簽發 (續領) 及有效 BNO 護照嘅數目:

2016年 新簽發37,501本,有效152,351本
2017年 新簽發19,741本,有效158,107本
2018年 新簽發19,596本,有效169,653本

除咗睇到申請續領嘅數字下跌一半之外,仲有個相當可悲嘅情況,就係2017及2018年累計新簽發的 BNO 總數 39,337 本,但有效本數只增加咗 17,302本,即係22,035本無再續領。

推算返年期的話,呢兩萬二千人係响2007及2008年持有 BNO,但就過咗期無續。呢啲人係乜水就當然唔知道啦,但一定程度上反映香港人唔多重視 BNO,又或者支那共匪嘅洗腦真係好有效 ── 特區護照又平、免簽國家又多過BNO;再當然加上大一統左賊成日講嘅「英國佬走咗仲邊會理香港吖」,於是過咗期就唔續。

無錯,特區護照嘅申請費用真係好狠平,但有腦又會留意國際時事嘅都會知道,相同嘅科技水平嘅護照,各國嘅簽發費用都圍到折算港幣一千蚊以上,因而應該明白特區護照係蝕住嚟做。不過咁,唔收到咁平,點配合支那共匪嘅失腦,吸引啲只顧貪小便宜嘅港燦港豬吖。但所謂「邊有咁大隻蛤乸隨街跳」,支那共匪唔蝕住做,就無得吸到你哋班只顧貪小便宜嘅港燦港豬然後進行洗腦!呢個唔係「雞先定蛋先」嘅問題,係有無用腦做人嘅問題。

正如我之前講過,「合資格」BNO 大約有330萬,以2018年嘅有效本數原來都未夠17萬,5% 都無;就算扣除97前移民而無續領嘅仲有250萬,都係得6.8%。家陣數字說明一切,英國殖民走狗堅係可以認為香港人真係唔在乎英國國籍嘅身份同權利,仲想點樣理香港呀!

英國佬為乜理據仲要理香港?不如問清楚香港人有乜理據要英國佬理香港先啦。家陣你哋啲港燦港豬連個本身一早質俾你哋嘅身份都唔 CARE,你叫英國佬點理?又掉返轉講,2011年3月11日日本大地震嗰陣,當「憨鳩嫌錢多」揸 BNO 嘅上咗英國部包機平安返香港嘅時候,貪平揸特區護照嘅港燦响日本搞成點吖?英國佬唔理香港…… 攝高枕頭諗清楚啦!

仲有嗰逾 93% 續唔續,我就 Who Fucking Cares,你死你哋事。只可以講,「尾班車」即將開出,到時「蘇州過後無艇搭」而西方列強為玩殘支那共匪而廢咗特區護照武功嗰陣,記得唔好喊,更加唔好嗌求救,因為我相信包括我在內,好多人都只會衝出嚟「癲佬正傳」上身幾百字粗口對付你哋!

後記:警告熱普城嗰班撚樣唔好諗住抽水,甚至以任何方式幫人做加簽 endorsement 收錢。遇到任何 so called 「英籍專業人士」以任何形式就「加簽」收取費用,即使係以「護照申請咨詢」的 add-on service 形式出現,都可以向英國政府舉報。

返回主頁

4 Comments

  1. 其實最大的阻力係副處,細個攞咗過期要換,錢唔係問題,最攞命的係你搵乜野人幫你副處?若果唔係呢一關,肯定好多人走去換。

  2. 真係忍無可忍!樓上開口埋口話副簽難搵,唔知點申請續領既人,你有冇下決心,睇過申請過程先?網上大把申請教學圖文並茂,step by step咁教晒點做,其實只要肯花一頭半個鐘時間Google打 "BNO續領2019" 搵料,我唔信會有一個接受過九年免費教育,智力正常香港人會唔識過程點做! (如果系統要你提交父母甚至祖父母文件,搵到盡搵,搵唔到就打封簡單書面解釋話你盡力搵過都係冇,我申請時就係咁做)
    至於搵副簽人,只要持有BC/BNO/英聯邦國家護照,正當職業人士已經ok,使鬼搵專業人士咩!我搵個持BNO速遞員朋友做副簽,又係成功獲批!你地成日話搵唔到人副簽,到底有冇於自己FB/IG,甚至WhatsApp朋友群組內公開問過呀?你唔問,阿水知你想搵朋友幫忙咩!
    一句到尾,你要問自己到底幾想要佢,願意付出幾多時間,人會有惰性,如果日復日、年復年咁自我麻醉 "唏!續領BNO好煩架!我唔識點做!搵人副簽又煩" 咁同自己講,你只係為自己偷懶搵借口,你呢世都唔會再續到!

Leave a Reply

Your email address will not be published.


*