砂朥越與香港

香港傳媒為「執行黨的任務」,收窄香港人嘅視野已少報國際新聞;南洋新聞更加之冷處理,一係就鳩處理亂報一通。有睇開小弟同黃世澤的個人網站的話,都知道南洋政治有好多值得留意之處,甚至同香港息息相關。我除咗講星馬啲「大範圍」嘅嘢之外,仲會講砂朥越呢個「十個香港人九個未聽過」嘅地方。好多人以為只不過係基於我嘅家族歷史緣故而講,甚至不排除有更衰嘅諗法會係認為我又响度晒命擦存在感,特登講埋啲「無人識嘅嘢」扮高深高尚。

但事實上,砂朥越同香港嘅歷史、社會及政治狀況,有好多相似以至相同之處,有好多值得參詳同互相比較學習。

香港係1841年開埠,展開英國政府嘅管治;砂朥越亦係1841年立國,只不過最終統治者唔係英國政府,而係James Brooke 呢個同英國政府無直接聯繫嘅英國人。香港之後到1898年經過兩次擴充版圖,砂朥越亦經過多次擴張,至1884年就成為今日嘅版圖。

二次大戰,香港响1941年12月25日淪陷,砂朥越首都古晉亦係同一日落入日本軍國主義暴政手上。日本响1945年8月15日宣佈投降,英國同年9月16日從日本軍國主義暴政手上將香港重光;砂朥越比香港早4日,响9月12日由英軍代表接收,再到1946年4月1日移交返俾布魯克王朝第三任國王 (Rajah) Charles Vyner Brooke。

三個月之後,Charles Vyner Brooke 就將砂朥越賣俾英國政府 (有錢銀交易嗰隻賣),隨後英國就展開殖民統治直到1962年7月21日,先將砂朥越變成「孤身仔」,而另一邊廂為咗保住李光耀,就將砂朥越連同當時稱為英屬北婆羅洲嘅沙巴當做「陪嫁妹仔」,賣俾馬來亞巫統班大賊。砂朥越從此就受到巫統嘅欺壓,榨取石油等天然資源利益但對砂朥越嘅人民福祉置諸不理。

香港就响35年之後,英國就「賣」俾支那共匪。香港從此就受到支那共匪嘅欺壓,榨取社會資源並進行人口置入侵略,對香港嘅人民福祉唔止置諸不理,更直頭係「仲出聲就打柒你老味」。

而不論砂朥越或香港嘅被英國殖民走狗出賣嘅過程,都係對當地人嘅反對視而不見。撇除支那共匪透過劉迺強、司徒華等仆街搞三搞四,香港人講乜,仆街英國佬都係當聽唔到;砂朥越直頭進行武裝鬥爭,連砂督Charles Clark都殺埋,英國殖民走狗都只係掛住要為李光耀同東姑拉曼牽紅線,借「抵抗支那共匪」做藉口出賣砂朥越

英國殖民走狗準備撤出香港,就連國籍問題上對香港人落閘放狗。先取消香港人嘅 CUKC 資格,搞個BDTC 出嚟,再然後就塞個BNO 俾香港人;

而响砂朥越,從 Charles Vyner Brooke 手上接收之後,就以「英國國王未有宣稱擁有砂朥越領土主權」為名,只係俾一本有如香港97前俗稱 CI 嘅「身份證明書」嘅 British Protected Person 簡稱 BPP 護照俾砂朥越人。當然仲要數埋,話之支那共匪硬塞本特區護照俾香港人,同話之砂朥越人焗住用馬來西亞護照。

砂朥越加入馬來西亞嗰份協議,係英國有份簽署。但1962年9月16日之後,不論東姑拉曼、納吉老豆拉薩、納吉堂叔胡先翁、馬哈迪點樣玩弄政治手段進一步壓榨砂朥越,唔遵守《馬來西亞協議》,英國殖民走狗仆街冚家鏟都係當睇唔到。甚至乎1965年8月9日新加坡被驅逐前後,仆街英國鬼仲警告砂朥越 (同埋沙巴)「唔好諗住走人」,提出嘅理據之一係《馬來西亞協議》仍然係一份有效嘅國際條約

香港嗰份《中英聯合聲明》,都係英國有份簽署。但1997年7月1日之後,不論江匪澤民、胡匪錦濤、習匪近平點樣透過傀儡董匪建華、曾蔭權、689、777玩弄政治手段進一步壓榨香港,英國殖民走狗仆街冚家鏟都係當睇唔到。明明支那共匪透過港共傀儡政權做盡賤嘢,甚至明確證據證明違反聯合聲明,仆街死英國鬼屌佢老母臭閪繼續話一國兩制行之有效

砂朥越出現獨立運動,英國殖民走狗就當乜都睇唔到,粒聲都唔出;香港亦出現本土思潮以至港獨、歸英呼聲,英國殖民走狗就仲仆街,叫香港人唔好諗住擺脫到支那共匪嘅控制。

見到嗎?香港同砂朥越根本同病相憐,病況大同小異,所受嘅「感染」源頭都係英國殖民走狗,「病毒」嘅基因排列幾乎一模一樣!而且,砂朥越如今仲面對支那共匪策動類似香港熱普城嘅滲透入侵,面對緊新嘅殖民侵略威脅。可以話香港唔止同台灣,係起碼仲有砂朥越,都係面對支那共匪呢個共同敵人。

所以,唔好再以為我講「鄉下」啲嘢只係鳩噏打飛機自HIGH擦存在感。我仲拎住「時事評論員」呢個朵「招搖撞騙」,講得嘅事情係一定有其他客觀因素存在。只不過承如本文開首,香港傳媒冷處理南洋新聞,砂朥越仲更加之「無人識」,我只能夠講到幾多就盡量講。亦所以當我賣廣告,唔好一見我寫南洋嘢就唔點理,寫砂朥越嘢直頭眼尾都唔望。

返回主頁

Be the first to comment

Leave a Reply

Your email address will not be published.


*