中環灣仔繞道爆晒鑊

中環灣仔繞道星期日正式通車,即日下午大量貪新屎坑湊熱鬧嘅車搞到西行方向出晒事,龍尾東區走廊城市花園。到今朝返工繁忙時間,就一如我之前講三隧分流時有提過嘅中上環淪陷,仲唔止係我預計嘅干諾道中路面,連林士街天橋落去繞道/民寶街都出埋事;龍尾三號幹線奧海城。嗰一吓我除咗慶幸今日唔駛過海之外,仲真係「無眼睇」呢三個字。跟住到下午,就一如星期日「新屎坑」時一樣,干諾道中西行車龍一路沿夏愨道、告士打道排,仲有干諾道中東行近交易廣場頂返過去林士街、另又倒灌返繞道西行中環出口。到放工時間直頭成個中環「瓜晒」。

成個情況,當然係政府嘅問題。先利申,我就真係未行過呢條路,但根據今日透過在 FB Page 徵求收集到嘅相片,同各網絡平台及傳媒發放嘅相片及影片,都大致清楚有乜嘢問題。

先講最簡單亦係最白痴嗰一樣,就係西行中環出口同林士街天橋嘅接駁未完成。點解最白痴?一來正如我前文所講,中環灣仔繞道同林士街天橋嘅接駁設計根本錯誤;二來即係新路嘅道路網系統完成實現,搞到所有由繞道西行駛出嘅車,全部要經民吉街近Four Seasons Hotel 嗰度出返干諾道中東行,然後响交易廣場U-Turn位掉頭先可以去返林士街天橋向堅尼地城或者入西隧,導致干諾道中東行出現 Duplicate Traffic Flow。而且,呢部份嘅車流在昔日係沿告士打道至干諾道中西行,不過係行畢打街隧道,但依家不單止新路做唔到分流,仲變咗就要行返干諾道中西行嘅地面。所以干諾道中近交易廣場塞到阿媽唔認得就係咁嘅原因。

三來就係運輸署班濕鳩工程師成日講到啲道路設計好威威架,照道理無理計唔到以上呢個 Traffic Flow 條數,預計到會出事報俾署長陳美寶知。一係就班工程師鳩做亂寫啲報告,目的可能係求其做咗就算,亦可能係跣鳩梁少江以至署長,仲有一個可能性係長官意志要佢哋咁搞法。有乜長官意志就唔想講喇,支那共匪侵略殖民只想搞亂香港嘅啫。

不過,就算支那共匪 / 港共傀儡政權要攞彩响農曆年前通到車,點解唔可以只係通住東行先呢?撇除成個設計搞到林士街天橋膠晒,通咗東行就可以展開繞道西行出口接駁林士街天橋嘅工程,有得由北角一路向西嘅車繼續行返告士打道-夏愨道-干諾道中先囉。家陣運輸署呼籲呢啲車「死人尋舊路」,咁同只通東行、西行稍後先通有乜嘢分別??! 擺明「無事搵事做」,仲唔係白痴咁係乜!

東行嘅問題相對比較複雜。一方面就如我講過西隧出口至交易廣場一段干諾道中去金鐘、上紅棉道、過灣仔軒尼詩道嘅車流負荷增加,另一個就是今日唔少傳媒影到响繞道中環入口啲險象環生場面。一來當然係危險啦,二來係變相阻礙車流運行導致擠塞。頂返入西隧再過返九龍真係相當嚴重。

查實睇返西隧-林士街天橋-繞道入口嘅道路設計,真係可以「一腳油到底」,但路牌設計真係差到仆街。

由呢個港台嘅圖片睇到,右邊綠色底「北角、柴灣」問題不大,左邊藍色式兩個箭咀「中區」上加一個輔助牌靠右去灣仔,道理上都唔係唔得。而睇返前一個路牌 (下圖紅圈MARKING)

灣仔同中區係上下排,唔熟路嘅就以為行車線「一開二」就兩條線都得。再者,香港啲考車牌制度係唔允許司機「老蓮咁遠」就做觀察同判斷,即係話個「靠右去灣仔」個牌嘅位置可以話已經太遲。嗰啲硬CUT、踩影線、撞雪糕筒嘅畫面,應該係咁嘅原因而導致。

更大嘅問題係運輸署同路政署仲係隧道入面一係雙白線,即係「入窿」之後無修可能。我知…… HYD 同 TD 一定以「要預計單管雙程行車,所以一定要劃雙白」,但是同中環灣仔繞道相似概念同設計,响新加坡嘅CTE同MCE 兩條隧道,都只係劃虛線。人哋新加坡唔駛預「單管雙程行車」咩?成日講「要學習新加坡」,你老味HYD 同TD 呢啲嘢又唔撚學?!

事到如今可以點?住九龍新界嘅,咪免得過唔好過港島囉,唔係可以點呀!住港島或响港島返工嘅點算?打2829 5200 搵陳美寶或3509 8153搵陳帆問囉!

後記:特別鳴謝今日提供相片俾小弟嘅網友,你哋嘅資料相當有用!

返回主頁

Be the first to comment

Leave a Reply

Your email address will not be published.


*