香港特區護照準備變廢紙

華為太子女孟晚舟响加拿大被捕,揭發响香港開有限公司同伊朗做生意,與及有三本香港特區護照,將會產生嘅後果真係非常「焦土」。唔講美國依家可以話夠料將 US-Hong Kong Policy Act 1992 收檔,呢個對港燦嚟講太高深嘅問題,剩係嗰三本特區護照隨時搞到港燦港豬好快去邊都要攞VISA,已經夠晒大鑊。

孟晚舟點解同時有三本特區護照,當中嘅技術問題,留返俾李少光同黎楝國慢慢解畫。但呢三本特區護照,唔好話「西方列強」已經有足夠證據認為港共傀儡政權暗地裡協助共匪主子做唔見得光嘅事,而可以對香港作出懲戒咁高層次,就算撇除孟晚舟嘅身份,「同時有三本護照」反映香港入境處以至保安局在護照嘅簽發充斥漏洞、或是有相當嘅人治因素,各國已經可以懷疑特區護照嘅可信性,成為撤銷免簽證嘅理據,或最起碼縮短免簽逗留嘅期限,都夠晒「好玩」

好簡單,就是撇除晒所有「政治化」嘅因素,根據現行法例,任何香港人同時間只可以持有一本有效嘅特區護照,但竟然有人可以同時間持有多過一本特區護照,即係入境處以至保安局無一個查核機制、或個機制無嚴格執行,使到有人可以藉住持有唔同號碼嘅護照掩飾身份,導致各國嘅入境管制機關在執行旅客入境監察這涉及國家安全嘅工作增加咗難度,就可以認為香港特區護照對國家安全構成嘅風險增加,然後收緊特區護照入境嘅條件。

可能好多港燦港豬唔會諗「有乜咁大件事」,但以到你哋屋企嘅保安問題作比喻。家陣唔少偽豪宅屋苑或設有保安Counter嘅住宅大廈,當有訪客進入,保安員都會同訪客聲稱到訪嘅住戶核實身份,先至會「放」個訪客進入屋苑或大廈。「免簽證」即係保安公司唔會同住戶查證訪客身份,甚至中門大開的「放」訪客進入屋苑/大廈。套用返各國嘅入境管制政策,要實施「免簽證」,就必定要基於「相信普遍進入屋苑嘅訪客在好大程度上唔會對屋苑/大廈嘅治安構成威脅」,與及有足夠措施確保能有效堵截、拘捕危害治安嘅訪客然後轉交執法機關處理,先至對訪客嘅進入作寬鬆處理。就以返孟晚舟嘅例子去比喻返,一個人有三張唔同號碼嘅身份證,保安公司好難查核得到呢個人入過嚟去過邊個單位、做過啲乜嘅記錄。而如今查獲最少一個訪客因為咁而响屋苑/大廈範圍作奸犯科,你哋啲住戶仲唔嘈喧巴閉話「免簽證」影響屋苑治安,繼而必定要求管理公司加強返查核訪客身份嘅工作呀!

就是住咗一百幾十、以至一萬幾千嘅住宅都會因為治安風險上升而會收緊保安措施,住咗幾千萬甚至上億人嘅國家,明知訪客會構成安全風險,點可能唔收緊入境管制措施呀。而如今屢次緝獲嘅「訪客」都係特區護照,孟晚舟之外最起碼仲有一個何志平,點可能唔出現針對香港特區護照而「做嘢」?!

仲唔明就打多個比喻。屋苑多次捉到穿著 PCCW 制服嘅人爆竊 (純粹舉例,非針對電訊盈科),保安公司必定收緊 PCCW 職員進入屋苑嘅管制、提高查核 PCCW 職員身份嘅嚴謹程度。明未呀港燦港豬!

撇除「美帝紙老虎」响國際政治勢力嘅龐大,唔好以為特區護照「出事」都只會係美加。單純華為呢間「公司」,歐洲已經表態「落閘放狗」,拒絕 5G 通訊設備使用華為嘅產品,已經可以睇到特區護照「出事」嘅範圍最起仲有成個歐盟地區。再甚至五個月前我講過,馬來西亞嘅 1MDB 貪污案嘅二號主犯劉特佐不排除佢身上都係有本特區護照。雖然至今仲未能證實,但如果真係俾我「烏鴉口」,即係連新加坡、馬來西亞都有足夠理據認為香港特區護照「危害國家安全」,咁就最起碼連星馬都會「出事」。再推上返美國嘅國際政治勢力,就仲有日本同南韓都會收緊特區護照嘅入境管制,到時各位貪平而只係攞特區護照嘅港燦港豬就邊度都唔駛去!或者用正確字眼去講,想搭飛機去「食玩買」之前先執齊文件上去領事館填表俾錢啦。

唔好問我估計「出事」時間,一來 Donald Trump 係「癲佬」隨時話做就做;二來支那共匪唔止得罪太多人,根本係得罪全世界;三來過去最少六、七年提過你哋啲港燦港豬續領返BNO護照,一個二個唔係嫌貴就係嫌「免簽國家唔夠特區護照多」。直接啲講就係「你哋啲港燦港豬屌極都唔撚聽」,家陣問嚟做乜春!

不過,為求「時辰到」之際港燦港豬可以「死得眼閉」,講埋大英祖國近期嘅動作。英國時間上星期一 (3DEC),英國國會上議院完成審議 Counter-Terrorism and Border Security Bill 報告,17DEC 進行表決同再稍後三讀實施。法案將BNO (與及 BOTC, BOC, BPP) 納入與 BC 等同地位嘅監察及執法嘅範圍;按照民主政制當中「權利與義務對等」嘅原則概念,英國殖民走狗要求得 BNO 承擔反恐嘅責任,下一步會對 BNO 做乜,唔駛要我畫公仔畫出腸啦。都係最老土咁講,續領 BNO 與否,各港燦港豬閣下自理,但記得唔好話無人提你;到時喊苦喊忽嗌生嗌死,我就只會打柒你!

返回主頁

Be the first to comment

Leave a Reply

Your email address will not be published.


*