英國政府迤覆BNO平權聯署,郁佢啦!

英國國會網上聯署嘅 BNO 平權要求,半個月前湊夠10,000個「簽名」達到政府必須回應嘅要求,而英國政府亦已作出回應。英國殖民走狗只係引述返 Immigration Act 1971 同 British Nationality Act 1981 鳩答,真係睇到火山爆發。不過臨尾提到 British Nationality Hong Kong Act 1997 also provides for the registration of British nationals who would otherwise be stateless and are ordinarily resident in Hong Kong,其實埋下伏筆,詳情我就唔講喇,一來我無黃世澤咁熟,二來太多支那共匪豢養嘅狗「越知得多越搞得亂」,三來係港燦港豬根本唔重視 BNO 平權嘅事。

不過咁,還是有唔少關注 BNO 平權嘅人,與及大約16萬 BNO Holders,在道義上唔可以唔理佢哋,姑且講吓成件事仲可以點「玩」落去。

廿年以來,香港社會總有著埋怨英國「掉低香港就咁走咗去」嘅諗法,但又普遍認為「英國佬走咗就唔會理香港」嘅思想,再者,正如之前篇文講過,Valid Passport Holders vs. Qualify people 比例計到盡只係 8%,英國殖民走狗有實在嘅數據可以認為香港人對 BNO 國籍問題嘅態度係 Who Fucking Cares,點會認真處理吖。或者講得好聽啲,英國政府想「理」都出師無名,亦係事實。

或者打一個比喻 ── 游水遇溺又無求救,救生員點會知有人浸親呢?! 但出咗事甚至「搞出人命」之後,家屬就埋怨救生員點解無救人。可以睇到香港人「又要怨英國佬唔理,但又唔CARE到連護照都唔攞」嘅態度,幾咁不知所謂。

講返個聯署。夠10,000,英國殖民走狗點都要講兩句,最起碼證明「浸親叫救命,救生員先至會落水」嘅道理。其實個聯署仲未停,因為網上聯署仲有下一個目標 ── 夠100,000 國會就要展開辯論。另一方面,你估英國國會唔 verify 「簽」嘅人到底係咪 British Citizen 或 UK resident 咩?即係話 BNO holders 「簽」都計數。所以,大家唔好停,繼續 call 人「簽」,包括 BNO holders 可以「簽」埋一份。

或者總係仲有人抱住「英國佬走咗就唔會理香港」嘅諗法,而認為就算上到國會,都只會係一場戲。但正如「扑嘢唔一定生到仔,但唔屌閪就一定生唔到」嘅道理,一日未上到國會一日都唔知會發生乜嘢事。如果真係夠十萬,英國朝野就算唔講得上重視,點都唔敢掉以輕心。再者,英國殖民走狗唔會唔知歐盟一直對 BNO 入境手續嘅處理方法反映對 BNO 國籍問題嘅立場,而如今「文女士」就 Brexit 問題搞到一鑊泡,你估英國政府唔知隨時因為 BNO 國籍問題會俾歐盟玩謝呀!

100,000 呢個目標其實唔難達到,剩係所有 BNO 護照持有人「簽」晒已經夠數啦!更何況英國國內唔係無平民唔知 BNO 嘅問題,以至多少都會對香港嘅情況有所了解,要 reach target 唔係無可能。再者,英國依家吹緊 Brexit 二次公投,不論留歐定脫歐派都知道,一定要爭取海外投票權先可以明確地分出勝負。咁就最起碼觸發「定居歐盟的英國公民投票權」嘅問題,跟住就揩到 2004/38/EC 之下在歐盟定居的 BNO 是否有權投票嘅爭論,再然後…… 你懂的!

唔該記住,遇溺唔求救係無得賴救人員嘅道理。依家要做嘅,就係唔好理咁多,一於「簽」咗先算。況且,英國政府嘅「10000 responses」係留有伏筆,唔「食住上」真係笨柒。Deadline 係 9JAN2019,得返三個星期,唔該大家快手!

返回主頁

Be the first to comment

Leave a Reply

Your email address will not be published.


*