2019……

坦白講,2018年都係「好嘅唔靈醜嘅靈」,2019年將只會係延續2018嘅「黑氣」,甚至係2018年嘅「火勢」進一步蔓延,所以標題只係dot dot dot dot dot…….

首先講吓應該係港燦最關注嘅事 ── 香港航空。好多人以為無買 HX 就可以平安大吉,但要知道 HX 所引發嘅問題唔只係「無得飛」咁簡單,仲有大筆潛藏爛賬唔知牽連幾大範圍。目前爆出嚟嗰啲債券有無涉及香港金融機構仲係未知之數,但由 HX 以至其母公司海南航空集團,藤掕瓜瓜掕藤成個「搵大錢」關係網,涉及幾多人同公司,唔會無香港份……

就假設 HX 以至海南航空「燒」唔到香港,美中貿易戰「炸」到共匪治區爛溶溶,好多過去以為「祖国很強大」嘅香港廠商,如今真係同等死無乜分別;就算走得切去第二度,都已經為咗搬廠消耗唔少資金彈藥,莫講話唔會剩低幾多可以流返入香港,剩係班廠佬使錢緊咗,已經影響緊例如酒樓、百貨等嘅消費行業嘅業績。

再直接啲講,貿易戰使到支那共匪個個手頭緊,一方面無「水」泵落香港撐起個市,另一方面要設法從香港將過去嘅「投資」套現反方向抽水離場,就搞到抽緊銀根、掟到一街都係貨,即係俗啲講做冧個市,已經夠晒「和味」。再講緊支那共匪好多嘅「投資」,都有向銀行借貸。一個唔覺意「等唔切」賣走啲「貨」,樓又好、的士牌又好、小巴牌又好…… 乜春都好,著草走佬就唔止隊冧個市,仲搞到銀行出現 Bad debt,直頭金融危機呀!單係過去六年本港地產物業成交有幾多係支那共匪直接有關,報紙電視新聞有講啦!仲有呀,例如孟晚舟嗰啲港共傀儡政權「執行黨嘅任務」攞到香港身份證嗰啲之外,大量無辦法查到嘅隱形交易,有幾多實際嘅「投資者」係來自支那匪區,隨時係黑洞來的!

先唔講樓市,12月24日《明報》報導的士牌大起底,「枱面」就得6隻支那共匪持有73個的士牌,實際仲有幾多係以隱形信託方式經「白手套」持有幾多個的士牌,又係另一個黑洞。最攞命嘅係,全香港18300個的士牌,超過八成都有同銀行做按揭貸款。假設平均「未償還貸款」400萬,債務涉及接近600億,佔香港外匯儲備約30000億 2%。好似仲未唔夠大鑊?要明白何謂骨牌效應,簡單講就係「有的士牌揸手嘅點可能無層樓」呀!如果的士牌 Call loan,牌主要搵辦法撲水「補倉」,金管局公報2018年5月樓宇未償還按揭金額12,463億,佔外匯儲備接近一半,當樓市大冧檔的話…… 所謂「數字說明一切」,所以咪又話我嚇鬼!

講到局勢發展,當然不得不提美帝走狗紙老虎 Donald Trump 嘅對華政策有幾狠毒。貿易戰肯定劈斷支那共匪大動脈,斬斷香港做支那共匪白手套嘅財路,跟住必定仲有直接影響香港嘅「香港政策法」。取消的話將帶來乜嘢嚴重後果,明嘅已經明,唔明嘅繼續講極都唔會明,所以講嚟都係嘥氣。不過最大鑊唔係實施之後香港可以「中港一家親」齊齊冚包散,而係香港只顧做支那共匪白手套,無晒自己嘅產業、工業,就算港中分家、UK Revoke,香港想翻身都只會係 Mission Impossible,慘過日本多多聲。

至於港中分家呢樣對好多港燦嚟講係「想創你個心」嘅事,確實表面上仲係好遙遠嘅事;又確實只有支那共匪潰散先至有成事嘅可能。咁就要睇吓共匪治區家陣乜嘢環境同將會可能出現嘅走向。

如前述,美中貿易戰已經「炸」到共匪治區爛溶溶,豬瘟搞到民不聊生,同美國買咗嘅黃豆仲邊度有錢找數俾美帝?!侵總統有晒藉口加大貿易戰火力,共匪仲唔死多幾錢重!唔計華為孟晚舟單嘢支那共匪玩義和團嗰隻擄人勒索,綁中一個具有匈牙利國籍嘅人搞到歐盟有藉口介入「打埋一份」,可以等睇「第二次八國聯軍」咁FF 喇,特朗普同金正恩第二次峰會嘅消息已甚囂塵上,預計最遲農曆年前後。只要侵金會有任何比上次响新加坡峰會更進一步嘅成果,支那共匪嘅人質外交手段將會失效。當西方列強確定支那共匪再無法控制北韓之後…… 唔駛講咁白啦。

北韓之外,仲有南海呢個可能的戰場。第一件事就要講返馬來西亞前首相納吉有一筆估計約1000億港元嘅黑錢收埋响香港。除咗佔外匯儲備約 3% 牽動到本港金融體系運作之外,就意味亞太區局勢有乜風吹草動都好大可能「波及」香港。所以唔好以為東南亞局勢唔關香港事,係直接同香港有關!

支那共匪响南海玩緊嘅「九段線」宣稱,以為尚且仲有有菲律賓總統杜特爾特可以收買而也文也武;甚至我可以同大家講,响九段線嘅最南端就係我鄉下砂朥越,支那共匪一直虎視眈眈。事關有所謂爭取砂獨嘅組織,其論述可以話只係將陳雲根嗰套改頭換面,做事作風十足十香港嘅熱普城;同埋某知名國際關係專家多番試圖染指砂朥越嘅「研究」,就算無俾我發現而阻止到,佢都係派到一地膠俾我強力恥笑。近期更有唔少來自包括馬來西亞西亞嘅消息指出,支那共匪夠膽死派公安海警巡邏船到美里 (Miri) 對出暗沙礁游弋!中国共产党以為南海主權問題咁就可以實食無黐牙?! 但以家陣嘅憲政主權基礎,砂朥越仲係屬於馬來西亞聯邦,之上就係五國聯防協議。支那共匪試吓對砂朥越上下其手,睇吓有乜後果?!

講到砂朥越嘅主權問題,有睇開我嘅文章都大約知道,英國將無可奈何地被捲入其中。但砂朥越呢個被馬來亞搞到雞毛鴨血嘅爛攤子,要收拾殘局嘅難度相當之高。在地理條件及國際形勢上,英國必須要响遠東有一個直接控制嘅據點作為支援。所以,南海主權爭端有乜風吹草動,好難唔牽連到香港以至台灣。當我賣廣告 that 要留意住我對有關馬來西亞同砂朥越嘅局勢嘅消息,始終香港嘅傳媒賣晒屎忽俾支那共匪,唔會報咁多俾大家知道。

美帝大膽到搵艘航空母艦嚟香港耀武揚威,「捉」埋共匪党軍司令上船,進一步反映香港响國際上並唔係支教民左賊、港燦港豬認為「無人會理」嘅地方,相反地香港有非常重要性 ── 加埋台灣,就係日本、韓國連接東南亞嘅要塞。話唔重要根本係呃鳩人 / 幫支那共匪講說話。而支那如今已經四面楚歌,十幾面埋伏,可以講,2019年嘅香港將面臨巨變,就算不在2019年發生都唔會要再拖得好耐。

最後,面臨巨變除咗傳統的「兵荒馬亂」之外,仲有係人心變遷。要直接啲講就係港燦港豬呢一刻仲係認為中国呢個「祖國無限好」,唔好以為在巨變來到就瞬間變臉就可以逢凶化吉,獨派/歸英派同一眾在過去十幾年受盡呢啲「氣」嘅人,由其是35歲以下嘅一批,必定「方丈」上身。我講到好白架喇,好自為之啦!

返回主頁

Be the first to comment

Leave a Reply

Your email address will not be published.


*