共匪大迷信佈風水陣之東大嶼山填海

我從來唔導人迷信,但我有聽聞過外國嘅大學建築系有研究風水嘅課堂;所謂「風水佬呃你十年八年」,有啲嘢唔係無可信之處。雖然,支那共匪吹噓是無神論,但共产党當政69年以來都係以有如宗教嘅形式出現,相信無人反對。再者,周不時有所謂「秘聞」講支那共匪高幹是如何沉迷風水,甚至樂於花大筆金錢請啲大師佈陣。

而對於香港,支那共匪從來嘅諗法都係要滅之而後快,所指嘅「滅」唔係原子彈炸廣島、長崎嗰種,而係消滅香港對共匪權力、利益嘅威脅。政治、經濟手段相信大家都好清楚,至於風水陣呢科,雖然陳雲根癲癲喪喪,但佢曾經講過嘅「毒蛇陣」同埋心經簡林腐木,响風水上唔係講唔通。

以我極度皮毛嘅玄學知識去理解,風水學關於「毒蛇陣」之意,係以蛇出沒之處而鮮有其他生物存在嘅生態現象,佈出箝制香港嘅象徵,意即要香港在地運上沉寂、沉淪,淺白啲講就係要香港變「死城」。呢樣其實符合支那共匪要將香港淪落得有如支那匪區二、三線城市嘅目標。其中高鐵的「毒蛇陣」,係將新界同九龍半島割開;而循地底而走,即係要對香港嘅「地運」基礎作一個摧毀性嘅破壞,係非常之惡毒嘅佈局。不過,「蛇頭」置於西九,就係吸取維港嘅水,呢個更加之惡毒,事關香港嘅根基源頭就係維港。因為玄學五行嘅「水」意即財富,我所參透到支那共匪嘅用意,既是要摧毁香港嘅根基,仲要將香港嘅「錢」吸收到匪區。

查實仲有第二條毒蛇陣 ── 港珠澳大橋。坦白講,純粹响建築規劃角度,根本可以全程橋樑而唔駛無端端要有一段隧道。隧道嘅建築成本比橋樑貴好多,方便 Cap 水就梗架啦。更重要就係要起兩個人工島,而留意下人工島嘅形狀,又係蛇頭。

近香港嘅「蛇頭」剛好在香港水域邊界對出,剛好係珠江出口東側。珠江口一帶嘅水質係「咸淡混雜」,而且就算無匪區嘅工業污染,從來都係夾埋沙泥。我對呢個佈陣嘅參透,係呢條「毒蛇」負毒將珠江口嘅濁水帶入香港,又係破壞香港嘅地運,同埋响政治上「河水犯井水」之象。仲有,在香港嘅正式出入口係响赤鱲角機場嘅東面,即係條蛇响嗰度「疴」。毒呀呢!

至於東大嶼山填海可會是甚麼玄機,坦白講我慧根有限,參透到嘅只有兩樣。第一,位置係相當於香港水域嘅中軸線,要嚴謹啲講係中間偏西。咁安排即係要香港「心肌梗塞」。好夠毒;第二係計劃嘅東南面嘅直線對正博寮海峽、同博寮海峽嘅水流 / 航道成直角。風水學可以話係一幅牆擋住博寮海峽。素來香港嘅成就係來自航運方面,而博寮海峽一直都係遠洋船隻進出香港嘅最主要航道。起幅牆即係要擋住香港嘅「水源」。

將三個「風水陣」夾埋 ── 高鐵就綁死香港,然後吸維港水去匪區;港珠澳大橋就是吸珠江口嘅污水抽入香港;東大嶼山填海就是擋住香港嘅水源。即是支那共匪只係想整死香港,但有乜著數好處就攞晒去。

就假設大家信呢啲「無科學根據嘅嘢」,尚且唔駛勞氣住。道家玄學嘅「過癮」之處係等價交換,仲有一句「凡事去得盡緣必早盡」。套用返呢三個惡毒佈陣,支那共匪表面上以為可以一邊攞著數一邊整死香港,但港珠澳嘅「吸屎水入香港」,好衰唔衰有條青馬大橋响度,玄學上可視之為將啲「屎水」帶出市區,而三號幹線終點就係高鐵站側邊,高鐵條毒蛇一邊吸維港水但同時吸埋由匪區流出經港珠澳大橋輸送過去嘅「屎水」。呢下「算過籠」嘅後果可以話支那共匪將會自作自受。而東大嶼山填海嘅「擋水牆」致難以在維港抽水,引伸出嚟可以話中国共产党自己搞死自己;仲有可以話支那共匪只圖短期好處,或者話只能割禾青。氣數將盡之象。

雖然道家玄學嘅「等價交換」,信者唔係唔知,但唔少沉迷玄學風水嘅人好多時都以為總有辦法化解,尤其是支那共匪總以為俾筆錢過啲大師作下法就可以逢凶化吉,然後盡得好處;嗰啲幫手「作法」嘅大師又以為另外再為自己作法就可以化險為夷,但世事往往就係「人算不如天算」,用盡邪門之道得到嘅好處,往往結果都會係「嘔凸」收場。

可以分享一個親身經歷。話說當年我有一個玄學師傅,耐唔時會落去請佢指點迷津。响2005-07年期間,我本身出咗一啲事 (詳情慢慢摷下我呢度,有講的,但只係其中一部份),去搵佢求教下,睇下有無得化解啦。當然要「科水」俾佢作法啦。但情況越來越差,最後我「人有無,錢又無」到近乎走投無路。過咗幾年之後諗返件事,發覺好唔對路,就去查探打聽一吓啦。打聽到返嚟嘅係,原來佢當年收咗我筆「功德」錢之前,我啲「對家」俾咗一筆錢佢,叫佢扮吓好人幫我。心諗佢都夠仆街喇,但礙於當時我嘅環境,無力復仇,知道嘅朋友都勸我「算啦,呢啲人遲早有報應」。之後到咗大約2010、11年咁上下,有日心血來潮想去睇下佢「死得未」,點知唔見咗佢個檔攤喎,問下隔離嗰啲知唔知去咗邊,係咪退咗休呀,得到嘅答案係「前兩年交通意外俾車撞死咗」。我無去考究查證,因為從來都唔知佢真實姓名。想知道邊個?人都走咗,算啦。

所謂「多行不義必自斃」,支那共匪响香港咁搞法會有乜結果,暫時就未知,但以我極有限嘅慧根去諗,下場都唔駛旨意會好。要現實啲講,支那共匪得罪咁多「西方列強」,連歐洲最親支共嘅瑞典都得罪埋,等「新八國聯軍」應該都差唔多喇。

最後,點都要講,以上內容純粹參考,信則有不信則無。信者當一個參考,不信者當聽故仔。係咁多。

後記:山竹颱風吹冧香港過萬棵樹,唔少冧樹嘅樹根短到無輪。唔少人認為係人為因素導致百年古木都短根而倒,大迷信啲講都係支那共匪嘅「作法」。有機會再詳講。

返回主頁

Be the first to comment

Leave a Reply

Your email address will not be published.


*