香港真係無獨立嘅條件

睇標題嚇一跳?想話我投共 / 係共諜係鬼現形?想即 close 唔再睇,保證你損失!

曾幾何時,我寫過兩篇談論香港獨立可能性嘅文章 ── 《香港獨立? 咪玩啦!》同《港獨有乜唔得!》。嗱,擺明帶頭盔 & 警告支那共匪,睇清楚我有無鼓吹先好請示張匪曉明同689係咪要做嘢 (不過記得提醒佢哋「南洋愛國僑胞」呢六個字)。

唔「獨立」咁即係要同支那共匪綁埋一齊千秋萬世?喂阿哥,撇除中国共产党客觀上都「唔擺得幾耐」,响獨立同「共匪殖民地」之間係有好多選項。但今次我想分析嘅重點唔係有乜選項,而係點解獨立唔到。

的確,前段「回帶」嗰兩篇文章,都可以睇到在香港社會基礎之上,可以話具備獨立嘅條件,或最起碼否定咗 size 細並唔係不能獨立嘅因素;另外就係否定咗香港同中國嘅必然關係,否決咗香港要同中國/中国必然綑綁一齊嘅講法。但一個地方能否獨立,並不單純取決於呢啲通稱為「硬件」嘅條件,仲有社會秩序狀況、人民質素等「軟件」。而講到「軟件」問題,更早之前已經寫過一篇《香港要獨立,最難嘅係港燦個腦》,分析香港社會嘅意識形態同普遍香港人對「國家」嘅觀念就是大一統,兜個大圈話唔存在「獨立」嘅可行性。

雖然「觀念」可以隨住時間同教育產生改變,但由觀念衍生出嘅意識形態,同埋思想、言行,就反映出一個地方是否有獨立嘅具體嘅條件。

普遍港人對「國家」嘅觀念是大一統,除咗基於「國土面積」而否定獨立嘅可能性之外,仲有「有靠山就搞掂」嘅諗法。無錯,李光耀响爭取脫離英國殖民管治嘅論述,都係以馬來亞嘅腹地為靠山,但倚靠得嚟唔係下下向馬來亞「伸大手板」,而係因應馬來亞及新加坡各自所具備嘅條件可以如何產生效用。但香港呢21年嚟只係想從「偉大的祖国」呢個靠山攞嘢。香港無貢獻俾「祖國」咩?有,但係係攞個社會去「進貢」!

有唔少人話,就算係英國佬時期嘅香港,個社會都係咁 ── 一味靠英國,唔可以賴晒共产党。呢個確實係事實,但英國佬點仆街都好,做嘢都仲有啲底線。例如規定巴士公司只能買英國車,英國車廠唔會俾啲垃圾過嚟,甚至九巴/中巴有乜要求都盡量造俾香港。反觀依家嘅「特區」,支那共匪塞啲垃圾「帶你去死牌」電動巴士落嚟,冚世界就只會狗衝叫好,甚至有人附和其中而試圖攞著數。但同時地,有幾多香港人覺得呢啲「攞著數」嘅所為係有問題?掉返轉覺得「咁大個『靠山』响度唔攞呢啲著數就笨」嘅就大有人在。睇清楚啲,從「靠山」攞到嘅好處只係惠及某啲人,唔好話「出賣香港社會」咁高層次,最簡單就係無責任心於香港社會、無管治香港嘅意念。試問點樣獨立!

拉闊少少講。點解香港人好似無咗呢啲判斷力同引伸出嚟嘅獨立生活能力,支那共匪搞局就梗啦,但所謂牛唔飲水唔撳得牛頭低,個心諗住既然有「祖国」呢個倚靠,自己就可以唔駛煩。引伸出嚟,香港人無咗對社會嘅責任心。確實,呢一個情況同英國佬時期照顧得香港貼貼服服有關,令到香港人覺得有人會準備好晒而唔駛操心。可是支那共匪對香港做盡仆街事都不聞不問,連有如「買巴士」嘅例子所反映嘅討價還價都消失。成個社會無咗判斷力,唔好話主權同管治上嘅獨立,基本嘅社會運作都獨立唔到。更唔好講「保家衛國」呢四個字。

掉返轉講,假設香港真係變成獨立嘅國家,唔好話要抵抗支那共匪殘餘勢力,剩係講港燦最關心嘅住屋問題,點樣擺平有樓揸手同劏房租戶嘅矛盾,有邊個有本事同膽量搞掂佢吖?一個社會中嘅人普遍地缺乏判斷力、對社會嘅責任心,或是有乜事就著草移民走人,何來有獨立能力?

所以,港督彭定康都話反對港獨,唔係錯。

返回主頁

Be the first to comment

Leave a Reply

Your email address will not be published.


*