靈恩派唔係極端恐怖份子就係邪教

超級颱風山竹來襲,慶幸香港人都有啲危難意識,連林鄭政府都有所行動準備應付風災,擔心呢樣擔心嗰樣之際,有一間教會竟然「上腦」話係撒旦仇敵嘅挑釁,要去海邊做浸禮,我第一反應心諗「痴撚線」。但過去見盡香港嘅耶撚組織嘅醜惡,都已經麻木唔望,只不過都無諗過有教會痴線到咁。呢單嘢卒之推咗上報,先至再望下係乜料子。一報間教會係靈糧堂,真係唔太意外,事關呢啲歸類為靈恩派嘅所謂教會,真係乜痴線嘢都做得出。例如前年聖誕節响尖沙咀清真寺出面報佳音嘅五旬節聖潔教會永光堂,亦係分類歸為靈恩派。

報館「起底」打算搞集體去海邊自殺嘅611靈糧堂,曾經話 H3N2 係佔中,然後就《聖經》羅馬書13:1 ── 在上有權柄的,人人當順服他。好多人集中呢點嚟抽擊佢哋,都未嘗不可嘅,但唔夠準繩。「抽」佢哋想集體蒙主寵召,尚且係命中目標;但靈恩派嘅(好聽啲講)狂熱,痴線、瘋狂,解釋埋點解話颱風係撒旦、仇敵,就致命一槍。

先帶頭盔,就算以前研究神學時,無好深入詳細靈恩派嘅信仰論據,但以我嘅皮毛都應該夠解釋點解佢哋會瘋癲到咁。

我曾經講過,基要派最堅持聖經無誤論之說,雖然任何耶教派別都係咁,但靈恩派比基要派更加堅持,而且主張同取態係不容挑戰聖經嘅權威。用通俗啲嘅講法就係「邊個拗聖經有問題嘅都係撒旦的使者,係仇敵,當消滅佢」。引伸出嚟,即係對非耶教嘅人採取敵視態度。呢個就解釋到點解會去清真寺門口唱聖詩唔認為係錯、仲覺得大條道理「合乎上帝嘅旨意」。另外,靈恩派最講求異象神蹟。無錯,《聖經》記載耶穌基督做咗好多神蹟,尤其是照顧人嘅生命需要,特別係治病。再引伸出嚟而從耶教嘅角度客觀一點講,異象神蹟嘅基礎係使人得益,或套用耶撚嘅講法係「榮神益人」。

撇除從世俗嘅角度去理解「異象神蹟」呢四個字即係呃神騙鬼,又去返神學角度講,基於人嘅「原罪」,係會有曲解聖經嘅可能性存在,而俗謂「宗教狂熱份子」往往就將「異象神蹟」演繹成任何非一般現象,即俗語話「滿天神佛」嘅果一種。另一方面,以返中世紀羅馬教廷嘅歷史為例,「宗教狂熱份子」就利用呢啲意念同演繹手法,搞出千奇百怪嘅事出嚟,甚至否定事實 ── 例如伽利略話宇宙中心係太陽而唔係地球,然後進行迫害。呢啲大家都耳熟能詳。不過,最值得留意嘅係,通常鼓吹呢啲神神怪怪嘅嘢,都係所謂「宗教領袖」。

呢啲「領袖」,十居其九都係話做咗上帝嘅代言人,佢話乜即係上帝話乜。除咗誤導蒼生之外,最攞命嘅就係將自己塑造成權威,叫追隨嘅信眾聽佢支笛。過程手法又就係講埋啲神神怪怪嘅嘢,就以今鋪611靈糧堂單嘢為例,將一場超級颱風講到係撒旦,夠晒神怪,然後就彰顯「上帝代言人」話要發揮信仰嘅力量、要對上帝有信心,搞單客觀講根本係集體自殺計劃出嚟。目的係乜我唔知,大家亦唔需要考究,因為就是「上帝代言人」+ 追求神蹟異象,無其他成份。呢啲手法,同恐怖份子有乜分別呢!爭在呢間教會嘅所謂牧者張恩年今鋪唔係做拉登要殺其他人咁解。

再兜返去中世紀歷史,好多神職人員都只係借宗教同自己搵著數,贖罪券呢樣嘢係咁樣走出嚟。而追溯返「H3N2 係佔中」呢單嘢,張恩年根本係一個侍奉支那共匪瑪門嘅神棍。奉勸腦部仲正常嘅會友早走早著。香港變天之日,呢間教會必定在鏟除名單之上。

後記:奉勸啲耶撚唔好又話我係乜嘢仇敵、撒旦使者。我無咁撚得閒睬你哋,鍾意小農MODE嘅迷信,係你哋嘅選擇!

返回主頁

Be the first to comment

Leave a Reply

Your email address will not be published.


*