肥金棄國,納吉加罪,中国速亡

南韓總統文在寅同北韓領袖金正恩响平壤舉行峰會,仲簽署聯合聲明而北韓宣佈容許國際監察之下展開解除銷毀核武,朝鮮半島局勢進入另一個新階段。再到今日,文在寅出席北韓全國運動會開幕禮發表演講時,提出兩韓應該回到二次大戰前嘅「一個」國家 (BBC 報導的翻譯為the two countries should “become one”, as they were before the war),意味南北韓將走向統一之路。

另一邊廂,馬來西亞前首相納吉19號下午被扣留問話,20號早上大馬警方高調宣佈加控多21條清洗黑錢嘅罪名,並即日下午提堂。兩件事點解會「上綱上線」到加快中国亡國?

首先講返北韓。一直以嚟,支那共匪從來都只係借北韓被國際社會孤立,一邊就向金氏家族扮好人,另一邊就向國際社會扮晒嘢「我會好好睇實佢、管教佢」,進行所謂「人質外交」。可以話北韓同支那共匪嘅關係,表面上係所謂稱兄道弟,實際上支那共匪只係當北韓係契弟。不過,過去共产党都有「水」濕俾金日成、金正日,所以相安無事。但到咗2010年中国實施人民幣匯率改革之外,經濟開始出現走下坡。直接啲講就係支那共匪開始乾塘。到2011年金正日駕崩而金正恩即位之後,肥仔金見共产党泵少咗水過嚟,自不然就會想「講數」,最起碼睇下支那共匪仲有幾多可以泵都好。但見住越泵越少,正常人都好自然想 looking for other sources of “water”。咁啱 Donald Trump 上台之後,同肥仔金鬥玩晒冷;而同時中国都係無乜水泵過嚟,肥仔金就越玩越大,搞到國際社會見到中国已經「管教」唔到北韓,好自然地國際間想搵方法直接同金正恩「溝通」,但又見佢玩核試嘅瘋狂,個個都有所顧忌。但侵總統「晒冷」嘅結果,使肥仔恩睇穿支那共匪嘅底牌,又就係好自然地會諗計擺脫中国嘅操控,但又要搵另一個「靠山」。美、朝可以話响誤打誤撞之下發現「唔係無計傾喎」,金正恩就開始向美國靠攏。

再然後新加坡做紅娘,促成侵金會之餘,新加坡政府兩位高層 ── 外交部長維文同教育部長王乙康嘅親身接待,俾到金正恩發現「外面嘅世界原來是多美好的」,同埋「真係可以傾計嘅喎」。再再的好自然地就想擺脫支那共匪嘅枷鎖,或最起碼就算唔同中共反枱,都要建立多啲「溝通渠道」而唔好下下搵中国做傳聲筒。

睇返新加坡峰會美朝達成嘅共識,就係北韓無核化為目標。而以「講數」去理解,呢個係侵總統向肥仔金開出嘅條件。如今南北韓達成嘅協議,就係落實新加坡峰會嘅目標;而掉返轉去理解,要不是特朗普應承咗金正恩一啲好處,金正恩係唔會可能同文在寅達成呢個協議,甚至乎金正恩已經收到特朗普嘅「誠意金」。而既然金正恩從美國得到咗一啲想要嘅嘢,但另一邊廂習近平仲係俾唔到,肥仔金仲聽你中国共产党支笛咩。即係話,中国利用北韓進行「人質外交」手段已經宣告失效,再血淋淋啲講,支那共匪已經唔再可能利用北韓同可恥美帝走狗為首嘅西方列強拗手瓜。响呢個局面之下,中国仲可以惡得啲乜嘢出樣呢?!

至於納吉嘅出事「升級」,更可以話會揭破支那共匪透過馬來西亞做嘅嗱喳事情。納吉响8月初被檢控的控罪,以香港嘅習慣講法係非法挪用公帑同公職人員行為失當。性質上係「馬來西亞內政」。但今次落叉廚嘅21條控罪,係收受、處理、轉移黑錢。重點係聆訊過程一定將啲「黑錢」嘅來源同銀碼曝光。

一直嘅講法,納吉啲錢係來自沙地皇室,但「證實」到嘅只係大約9億令吉,但涉及嘅金額最起碼係26億令吉,已經使好多人懷疑筆錢嘅來歷。上星期,納吉响 FB 「自爆」一份佢聲稱來自沙地阿拉伯王子嘅協議文件,仲認咗嗰筆錢係要嚟响2013年大選收買巫統黨員以防「變天」。但事隔幾日,沙地皇室就話無簽過份咁嘅文件。先撇除納吉同沙地皇室口同鼻拗,簡單啲去理解,即係納吉「洗」嘅錢來源唔一定係沙地,咁會來自邊度嘅?另外,沙地點解想唔認咗條數,係另一個關鍵。1MDB案揩到美國條Line,而依家國際對於極端伊斯蘭主義嘅散播,開始意識到源頭係來自沙地阿拉伯,除咗伊朗、埃及之外,玩得最變態嘅就係大馬哈迪阿旺嘅伊斯蘭黨、印尼亞齊班痴線佬。沙地明知被美國「昅」緊,而如果「斷正」同馬來西亞「有路」的話,即係俾美國有藉口開拖。再又望到美國依家極度心狠手辣地對付中国,唔好話驚特朗普一樣可以瘋狂地對付沙地,就係先有得中国被美國搞掂,姑且可以 buy time。又係人之常情嗰句,沙地見咁嘅環境點會認數。

納吉「洗」嘅洗黑錢來自邊度,睇返馬哈迪奴斬三個中国「投資」項目嘅財務安排,尤其是東海岸鐵路,其實大家都心裡有數。綜合納吉嘅案情,再仲有劉特佐依家嘅下落嘅可能,同時得罪馬來西亞、新加坡、美國、加拿大。加埋沙地咁樣推莊即係變相推中国出嚟受靶,而且沙地點都會諗辦法盡快甩身之餘,亦可能拎納吉做「人質」同美國講數,支那共匪唔出事就假咯。

再深入少少去推斷,當納吉案進行聆訊期間「爆出」嘅內幕,就俾涉及嘅國家有足夠理據向「黑錢來源地」開拖。順便一定要提埋,何志平案嘅發展,隨時又係支那共匪被爆大鑊收場。習近平以至成個中国共产党嘅高層仲唔係要準備定棺材山地?!

返回主頁

Be the first to comment

Leave a Reply

Your email address will not be published.


*