沙中線玩完,點算??

沙中線灣仔會展站停工,表面上係「暫停」施工,待處理好沉降問題後就復工,但實際上會展站嘅沉降問題可會有解決辦法,完全係一個謎;甚至血淋淋啲講,沉降嘅成因極可能因為施工出錯而導致,即係好大機會「暫停」直到永遠,阿門嗰隻。

再睇返另外兩個出事地點 ── 紅磡站同土瓜灣站,出乜嘢事都唔駛再多講,尤其是土瓜灣站嘅沉降搞到漏煤氣嘅問題將會沒完沒了,隨時搞到真‧死人冧樓。另一方面,翻查歷史資料,1967年港府計劃興建地底鐵路系統時,有一條由沙田火炭至尖沙咀的鐵路線規劃;及後於1970年代作出修訂,改為鑽石山至上環林士的「東九龍線」。兩個草案在九龍的走線與沙中線幾乎相同,尤其是鑽石山至土瓜灣站除咗車站位置之外更直頭一模一樣。

1989年6月4日支那共匪响北京進行大屠殺之後,時任港督衛奕信提出「玫瑰園計劃」興建新機場,另港府公佈《香港第二次整體運輸研究》報告書,以「資源分配不足」理由下終止興建東九龍線。但當年預算造價約100億,對比機場核心工程預算2000億,東九龍線的預算所佔的比例根本就微不足道。撇除衛奕信事事向支那共匪卑躬屈膝嘅政治因素,今日沙中線土瓜灣站工程所遇到嘅問題,可會是29年前港府就已經知道而姑且搵個藉口停咗佢,似乎又要去英國 National Archives 摷快勞先有可能搵到答案。

另加埋宋皇臺站嘅古跡發現導致嘅工程阻延,鑽石山站以南嘅站除咗何文田之外通通瓜柴。沙中線仲會通到車,腦部稍為正常嘅都唔會信囉。

沙中線報廢,好多人第一反應就係諗到「樓價」,再直接啲嘅係,馬頭圍道兩邊舊樓嘅業主本來一心諗住「鐵路沿線,收購價好高」等收樓重建袋返天文數字賠償,依家「水瓜打狗」甚至有可能變危樓被強制封樓見財化水等仆街,真係睇見都心涼。腦部比較正常嘅就會諗到交通安排唔知點算,呢個問題其實都係建基於「除了鐵路以外…..」嘅思維,認為巴士小巴係廢嘅。

先同大家考古一件事。話說當年(2002年)傲雲峰開盤,銷情麻麻地嘅其中一個原因,就係「無地鐵」。小弟「打街霸」搵食,見盡唔少「油雞」(睇樓嘅人) 不斷講「無地鐵好唔方便」。有好似有意欲想買嘅客「埋枱」,問點出尖沙咀返工,我話屋苑門口有架5C 巴士…… 都未講晒,啲塘邊鶴就話「都唔係地鐵……」盡見港燦中「鐵路毒」係幾咁深。

九龍城土瓜灣紅磡一帶嘅交通都幾大問題,但無得「敬畏鐵路萬能俠」唔駛死嘅。呢三個區份連接九龍同港島嘅巴士小巴路線都算幾齊,「盲點」要係「可能冧樓」嗰一帶馬頭圍道、土瓜灣道連接深水埗、美孚同新界西。另一個比較頭痛嘅問題係紅隧擠塞延伸到漆咸道北,呢個响港共傀儡政權要推動「盡心盡性盡意愛鐵路」嘅宗教,係唔會有望响支那共匪殖民香港統治之下會解決。要出油尖旺確係有啲麻煩,但對於要過海,好多人 (唔止住九龍城土瓜灣紅磡) 就唔記得渡輪呢樣物體;就算有印象,十居其九都係爆seed「半個鐘一班,你等埋佢啦」嗰種。當年小弟响傲雲峰售樓處,有「油雞」問點去中環,我話碼頭搭船過北角再轉車,都係半個鐘多啲。隻「油雞」問完船嘅班次,就係咁答我。

過去都寫過好多篇談及渡輪有幾方便、有乜好處,但想以「右派」嘅角度去講,就是一味「敬畏鐵路萬能俠」,無人搭船,小輪公司又點增加服務!只不過港燦就是「好處想要,付出唔要」嘅習性,亦所以我再講多都無為。

所以沙中線玩完,不論樓價定交通,香港人都唔好問點算。因為結果都係你哋嘅「燦」腦有份搞出嚟。俗啲講「路係自己揀,仆街唔好喊」;再粗鄙啲嗰句就係「受啦仆街!」。

返回主頁

Be the first to comment

Leave a Reply

Your email address will not be published.


*