上海獨立揭桿,中国解體揭幕

支那共匪一直針對嘅「獨」計有疆、藏、蒙、台,近幾年加多一個港。呢所謂「五獨」,除咗蒙就最仆街,共匪為討好蘇聯「搞分裂」而無嘢好講之外,疆、藏、港都係偷呃拐騙搶返嚟,其中藏同港都有違反條約協議「走數」嘅罪證;台就撇除美帝走狗紙老虎响背後,一切只係老K蔣光頭「衰憨鳩」嘅問題,一切與共匪無關。道理上都只係支那共匪嘅「外圍」事情。但近月再出現嘅第六獨「滬獨」 ── 上海獨立,呢個事關上海相對地「五獨」真係「自古以來中国領土」,完完全全係「中国內政」,就分分鐘真係搞到共匪頭都大埋。

滬獨可會成氣候,尚且無從稽考,但上海人都有類似香港人基於族群文化認為是自成一國嘅意識,可理解為有先決條件。上海民族黨嘅出現及其勢力影響程度,目前仍未有太多掌握,但何岸泉等人識得响美國紐約「開壇」,已見佢哋嘅政治功力而不能輕視。今日在《世界日報》刊登廣告宣告成立,表面上可以話平地一聲雷,再睇埋佢哋嘅論述基礎比起當前香港嘅獨派 (唔計熱普城嘅假獨)強而有力,支那共匪真係面臨大敵。

反大一統口號喊得旗幟鮮明,背後嘅論述不僅狠批大一統製造暴政,更追溯至通稱漢朝嘅劉氏家族到秦朝嘅嬴趙氏引指大一統只會是災難。「滬人治滬」表面睇就有如「港人治港」得個講字,但其基礎又不只是上海人有其異於中原嘅族群文化,仲有上海在歷史進程的演變同發展,當中就包括老K、支那共匪不欲多提的「西方列強」元素,尤其是公共租界歷史對上海嘅城貌同人文文化所產生嘅作用。亦因此同時成為「全盤西化」嘅基礎。而「全盤西化」嘅另一項基礎,就回到「大一統」嘅災難觀,然後引伸到支那共匪如何摧毀上海自家的社會價值。

「五獨」本身都有自己嘅旗幟,滬獨亦唔例外。

表面上係新設計,實際上係沿用「上海公共租界工務局旗」但將中間圓形部份的文字及「西方列強」國旗移走進行簡化而成。

或許有啲白痴認為一邊廂叫喊「全盤西化」口號是自相矛盾,但「西化」係社會意識形態及文化嘅轉承。順便向陳云根「鳴槍示警」唔好借此將佢枝二次創作「城邦旗」作合理化解說抽水,「滬獨旗」嘅簡化只係「餡」而無改格式,但「白雲教旗」係連格式都改埋。

雖然滬族黨嘅發展係未知之數,但支那共匪對「滬獨」比「五獨」更難應付,事關响現階段完全係「境外行事」,想「依法取締」都無計可施;而且上海人本身有錢,更是「歧視排外法西斯」比香港更甚,要動粗起上嚟比香港人更狼夾狠…… 可以話支那共匪除咗鳩叫「分裂祖國行為是不得人心」之外,根本就無計可施。

不過在目前支那共匪嘅政局,不能排除只係江、習大亂鬥嘅一部份。假設「滬獨」背後是老江,就準備中华人民共和国以內戰式解體告終;但就算唔關老江事,即是老江自家地盤都守唔住,結果又係「留名等出事」。所以上海民族黨呢單嘢要食花生都要認真觀察。

返回主頁

Be the first to comment

Leave a Reply

Your email address will not be published.


*