支那共匪唔好淨係23條上腦而忘記22條

一個陳浩天搞到成堆支那共匪、港共傀儡政權同老鼠芬之流嘅土共發晒花癲,一味話犯法,但俾人問犯邊一條法例,全撚部都擘大個口得個窿,繼續一味話犯法就無嘢補充。再唔係就狗衝晒出嚟鳩嗌「23條立法」,可以睇到支那共匪成個惡霸集團完全痴晒線。

《基本法》23條係乜可以唔駛多講,壓制言論自由同新聞自由嘅作用亦都相當清楚;但掉返轉講,如果一個政權俾人民講兩句嘈兩嘢就會倒下嘅,根本就垃圾到極點。又或者以史為鑒,大明帝國朱氏家族防呢防路、防民之口甚於防川,高壓統治276年又如何,卒之咪又係冧檔收場。再誇張啲,支那共匪 (同台灣老K) 最崇尚嘅嬴趙氏,即係秦始皇,連埋個仔都係玩咗咗十五年就冚家鏟。以支那共匪响過去呢五年响匪區嘅政治同經濟變化,仲惡得幾耐吖!

《基本法》22條係乜?雖然過去我寫過唔少,甚至响過去21年以嚟,小弟係第一個拎22條出嚟評論支那共匪响香港嘅所作所為嘅茂利,但因為其威力太過驚人,最終結果可以招致《中英聯合聲明》失效,所以「心懷祖国」一味鳩叫「建設民主中国」嘅支教民嗰堆飯桶無講過,因而條街無乜人知。

22條點解威力咁驚人,是關條文係咁:

中央人民政府所屬各部門、各省、自治區、直轄市均不得干預香港特別行政區根據本法自行管理的事務。
中央各部門、各省、自治區、直轄市如需在香港特別行政區設立機構,須徵得香港特別行政區政府同意並經中央人民政府批准。
中央各部門、各省、自治區、直轄市在香港特別行政區設立的一切機構及其人員均須遵守香港特別行政區的法律。
中國其他地區的人進入香港特別行政區須辦理批准手續,其中進入香港特別行政區定居的人數由中央人民政府主管部門徵求香港特別行政區政府的意見後確定。
香港特別行政區可在北京設立辦事機構。

最主要嘅重點係第一及第三節,可以綜合出一句「中央及各省市政府不得干預香港內政」,再俗啲講「無你嘅事就咪撚多事」。何謂「香港內政」?跟據《中英聯合聲明》第三段,就是國防及外交之外嘅事,都係香港內政。

就以尋日支那共匪外交部駐港專員公署就陳浩天去FCC 演講發花癲亂噏,揸正嚟做的話因為場演講只係民間活動,不論乜嘢內容,就已經違反《基本法》22條。或許支那共匪、港共傀儡政權同老鼠芬之流嘅土共認為演講內容涉及國家安全而「犯法」,但陳浩天就係無講外國勢力,無觸及真正嘅國防同外交範疇,响22條嘅原則之下,支那共匪係「唔該收嗲」無權講任何嘢。如果再追溯「考古」的話,反國教期間,統監府講嘅嘢,都係違反22條。

只不過支那共匪一日到黑諗住Totally control,乜都要話事,所以乜嘢事都會指手劃腳說三道四講兩句。順便講,既然支那共匪乜都鍾意插手,只不過有《中英聯合聲明》第三段响度「阻頭阻勢」,於是乎响2016年11月我就去信張匪德江,叫佢釋法將《基本法》第13及第14條釋到連食飯疴屎都係國防同外交,等支那共匪可以名正言順乜春都可以响香港指手劃腳說三道四講兩句。張匪德江同張匪曉明以至頂頭大佬江匪澤民有無被串到啤一聲就「暴龍哥」── 睬佢都閪時,但事隔21個月支那共匪都無膽咁做就係事實。因為一做,就即刻斷正「違反《中英聯合聲明》」,英國殖民走狗可以隨時出兵。

再又順便講,有啲友仔成日話「有乜證據」,對於支那共匪嘅嘢唔係要講證據,而係做分析捉「套路」;掉返轉講,支那共匪要拉人封艇有講證據咩?嗰啲要講證據嘅友仔根本係柒頭。

或者「港燦mode」一啲,總有人會質疑22條嘅要求駛唔駛咁辣?如果連「國防」同「外交」嘅訂義都唔識嘅,講多都嘥氣。姑且「客氣少少」解話,响97前幾時有見過英國政府對香港內政說三道四?1980年代嘅時候,劉廼強、司徒華、蔡耀昌…… 嗰啲仆街共諜講乜春不平等條約、民主回歸之類,英國 FCO 嘅官員有無好似暴君689、張匪曉明之類嘅撚樣出嚟狂屌,話「違反英皇制誥及皇室訓令」吖?再數遠啲,二次大戰後,老K 餘孽响寫香港中學中史課本搞洗腦,英國殖民地部嘅官員有無叫過教育司署要做好把關吖?無吖嘛!仲未計港督戴麟趾(?)屌柒 FCO 「香港嘅事你哋無資格講嘢」

無論條文內容,以至參考97前英國政府嘅做法,《基本法》22條就係天條,對支那共匪係金鋼箍。只不過玩咗20年無人出過聲 / 支教民知道一出聲就無得再發「建設民主中国」春秋大夢就可以呃飯食所以無出聲,但唔代表支那共匪無違反過。

港督彭定康其實已經响香港時間 6AUG 已經拎咗22條出嚟,奉勸支那共匪、港共傀儡政權、共匪香港支部、老鼠芬希師奶之流嘅土共好自為知。順便向港燦抽一刀:唔好以為英國佬走咗就唔理香港,諗返下乜嘢叫 Under-statement 嘅英式英文習慣先再製造噪音啦。

註:頂圖枝旗,奉觀某啲友仔唔好阿支阿左。開口牌,成幅「差佬旗」係小弟設計。

返回主頁

Be the first to comment

Leave a Reply

Your email address will not be published.


*