劉特佐果然係一件貪威識食唔找數嘅肥粉腸

馬來西亞首相馬哈迪現正官式訪問中国,聽日將會見支那共匪首領李克強同習近平。外界好多揣測老馬同共匪到底會傾啲乜,並預計相信必定傾到 1MDB 二號主犯、已有 Interpol 紅色通緝令嘅劉特佐嘅問題。

就在馬哈迪 17AUG 起行之後,美國《Wall Street Journal》華爾街日報响香港時間 17AUG 晚上「放風」話老馬此行好大機會要求支那共匪「交人」── 將劉特佐「交還」俾馬來西亞。單係「放風」內容已經搞到全世界「食花生」睇下馬哈迪會响匪區搞乜嘢大龍鳳出嚟。雖然仲未知會有乜嘢事發生,以至普遍預計支那共匪唔會就範,不過劉特佐竟然「應機」,搞到笑死無命賠。

劉特佐响5月9日之後以來嘅行蹤係一個謎,尤其是7月上旬港共傀儡政權放咗佢走之後,消息滿天飛到N個版本,最誇張嗰個係去咗中美洲加勒比海 St. Kitts & Nevis。唔計情報人員,冚世界都唔知佢到底匿藏於何處。但係《華爾街日報》一放風出嚟,星馬報章高調引述報導,劉特佐竟然作出回應,話「拒絕司法不公義」云云。

喂阿哥,「潛水」嘅目的就係唔想俾人知道响邊,《華爾街日報》一放風話馬哈迪會要求支那共匪「交人」就講兩句,即係此地無銀三百兩!直接啲講就係驚支那共匪篤佢灰,引伸出嚟即係劉肥仔離開香港之後就係去咗支那匪區,否則的話點會驚到要言語反抗呀!

由此可見,劉肥仔蠢到無朋友;或者從已披露 1MDB 嘅案情角度,劉特佐本身握住非常重要嘅證據,涉嫌所犯嘅罪行嘅嚴重程度非常得人驚。得人驚之處唔只涉及嘅金錢嘅銀碼之大,仲好大可能涉及大馬同中国政壇極高層嘅人物,而且機密程度係不亞於現時身處紐約監獄嘅何志平,即係隨時會俾人「買起」嗰隻,甚至「出事」嘅風險比何志平高N倍。若果支那共匪向馬來西亞「交人」,佢就要面臨刑事調查及法律訴訟,結果唔只係响監房渡過人生下半場,仲因為調查及聆訊過程佢亦必須要爆出好多驚天大內幕,俗啲講「死十次都唔夠」嗰隻。佢唔驚就有假咯。

另一方面,支爆已在進行中,支那共匪乾溏要周圍搵錢同搬錢走,必定周圍搵「友好」幫忙。而要人哋肯幫忙,一係就以往幫開人,一係就依家「拎條件同人交換」── 所謂「人質外交」就係其中一種手法。基於時間軸而不提馬哈迪响杭州期間達成嘅 deal,劉特佐點都會擔心支那共匪會為咗馬來西亞嘅錢銀機會將佢交出嚟。

「潛水」嘅目的係唔想被鎖返馬來西亞面臨法律訴訟,但佢亦都會盤算支那共匪唔知幾時、响乜嘢情況下「搞掂」佢。「搞掂」所指可以係「交人」俾馬來西亞或其他西方列強轉交返去大馬,亦可以江湖電影嗰隻「搞掂」。正常人點都會考慮「橫死掂死,搵個死得好啲嘅方法」,劉特佐「應機」不排除就係進行 Lesser evil 選擇嘅操作。但不論佢盤算緊啲乜,將自己嘅「人質」變成大馬同支那之間角力嘅棋子,道行相當高明。但可以見到,不論共匪「交人」與否,劉肥仔嘅下場都唔會好,就係事實。

返回主頁

Be the first to comment

Leave a Reply

Your email address will not be published.


*