小巴佬的士狗唔好唔記得自己啲衰嘢

的士狗同小巴佬走埋一齊搞個乜春反對白牌車關注組今日開乜鬼聲討大會記招,要求政府打擊白牌車、客貨車非法載客取酬,話要搞乜膠客貨分家,一味講人哋犯法犯法犯法。我即時反應係「耶撚上身」── 《聖經》通稱登山寶訓中嘅「為甚麼你只看見弟兄眼中的刺,卻看不見自己眼中嘅樑木」。

先唔講佢哋嘅「眼中樑木」。UBER 之類在新加坡稱為「私召車」嘅服務,我講過好多次,根本就是在現行、超過40年無作出與時並進修訂嘅法例之下,係灰色地帶。最簡單嘅講法,「乘客」有俾錢司機或車主嗎?無喎,唔好意思。「乘客」只係俾錢 UBER 嘅結算系統,然後 UBER 同司機計數咋喎,仲要係假設「乘客」俾$200 UBER,司機實收 $150。

至於客貨車「載客取酬」喇喎,响2015年7月7日立法會「公共交通策略研究」公聽會,我提交嘅意見書指出現行《道路交通條例》係沒有就「貨物」作出訂義。甚至舉例一個背囊、一部買餸車、一個裝修佬常用嘅氣泵,邊樣叫「貨物」、邊啲叫「行李」提出質問。三年一個月十三日過去,運輸署/運房局、以至警務處都無作出過公開回應。點解?串啲講嗰句,就算以普通法嘅原則都唔知點訂呀!

講返的士狗同小巴佬嘅「眼中樑木」,的士嗰啲違法行為真係講到口都臭晒。冚旗揀客、拒載、劏客、過海唔去、影子的士…… 香港人都耳熟能詳。另一樣我都多次講過嘅係「尾冚閂唔埋」。

有的士狗串我「擺咗輪椅都閂唔埋,咁即係名正言順拒載輪椅,以後啲傷殘人士多撚謝晒你」。坦白講,我好明白輪椅傷健人士嘅苦況,但又掉返轉講 (又係講到口臭),Toyota Crown Comfort 呢啲咁嘅垃圾車就係尾箱細到輪椅都擺唔到,你哋啲的士狗又「除了豐田以外不可以有別的牌子」、話之日圓匯價跌而皇冠車行加價照樣狗衝!呢個問題存在咗十幾年,點解係你哋啲撚屌的士狗唔識爭取換過第二款車,甚至連對住已故嘅黎銘洪都好心著雷劈呀,屌你老母(我係咁粗口㗎喇!諗起黎秘書生前受嘅呢一棍,好難唔講粗口囉)

好喇,再又講到口臭that,福特 Transit Connect 擺四隻29吋大喼都無問題,輪椅一樣可以閂晒尾冚,你哋班的士狗咪又係「上腦」話「唔係豐田無零件」而唔柒用!真係越講越火滾…..

至於小巴,只要明白歐盟規例相當於香港小巴嘅 Class M2 載客車輛嘅車速限制係100km/h,亡命飛車其實相對事少。只不過運輸署班貪官為咗益自己友搞嘅「小巴三寶」之一嘅限速器,係好易 Override / Disable 咗佢。至於點做?我梗係知啦,但我唔會做,亦唔會學工賊會黎兆聰咁憨鳩公開講。我只會屌柒運輸署車輛安全及標準部班貪官搞埋啲「多鳩餘」嘅嘢。

小巴佬仲有一樣最容易為一般市民所見嘅犯法嘢,就係改裝槽鐵泵把。

**原裝**

**換裝**

**加裝**

以上相片可以對比一下原裝同小巴佬嘅「自家改」嘅槽鐵泵把係點樣情況。

小巴佬呢個「傳統」又係超過40年前嘅產物。佢哋認為原裝泵把一揩就凹甚至車身都凹埋,又要俾錢燒桿佬使,槽鐵泵把先夠「襟撞」。甚至有小巴佬話「人哋架車爛關我撚事,最緊要我架車無事仲可以搵食」。若再要「人格謀殺」啲講,留意下目前响街上嘅商用車,係得小巴佬會將架新簇簇嘅車咁樣搞法。

槽鐵泵把嘅危害唔止係對其他車輛,仲有對行人,尤其是採取「加多條鐵」嘅做法,
本來原裝泵把撞到人可能只係皮外傷,換以至加裝嘅槽鐵泵把,就保證斷腳!

雖然根據現行《道路交通(車輛構造及保養)規例》(Cap. 374A) 係容許車主「改裝」,但唔可以使車輛嘅外觀尺寸有任何改變。而呢類換裝,小巴佬必定移出最少1吋,加裝嘅梗加唔駛講啦。

即係話根本全部槽鐵泵把都可以「肥」得。至於「加裝」嗰種其實仲衰多一樣「車輛總長度超出法例上限」── 現行 Cap. 374A 的小巴長度上限係7m,豐田Coaster B70 或者三菱ROSA BE640G 長度係6990mm,換或加槽鐵都肯定增加唔只10mm。

如果跟據近年運輸署最鍾意用嘅嗰招 ── 援引歐盟安全標準,頭尾泵把一定唔換得。揩咗而廠話無零件要 DIY,都唔可以採用硬度比原裝泵把強嘅材料,先至可以响當地相當於香港運輸署嘅政府部門申請。

所謂「其身不正,雖令不從」,的士狗小巴佬搞返掂自己啲真‧犯法嘢,先好講人哋。

後記:啲懷疑非法改裝嘅小巴特登全部唔遮車牌,大家鍾意就1823。

返回主頁

Be the first to comment

Leave a Reply

Your email address will not be published.


*