馬來西亞與中国決裂

馬來西亞首相馬哈迪訪問中国,香港啲所謂傳媒例牌地報喜不報憂,話同「中央領導人」達成乜乜共識協議,就連取消東海岸鐵路等三項基建計劃都話「雙方領導人互相諒解達成共識」云云。都係嗰句,香港傳媒報導嘅國際新聞係信唔過、唔會清楚真相。我用「決裂」呢兩個字,通常啲人都會想話「有無誇張啲」;但有睇開小弟寫嘅南洋有關嘅評論分析嘅讀者朋友們都好清楚「一定有根有據」。到底根據何在,就由馬哈迪在杭州開始講。

馬哈迪响杭州同阿里巴巴同吉利汽車集團兩間公司簽訂所謂投資協議,香港啲所謂傳媒當然又係「祖国向友好國家作出投資」嗰啲唱好嘅Tone。只不過,要知道馬雲同吉利本身响馬來西亞「已經洗濕咗個頭」,所謂協議都只係加碼泵水而已。再深入了解事件前因後果,會見到「得啖笑」,甚至係馬哈迪跣鑊金過佢哋。

阿里巴巴响馬來西亞興建科技園同發展電子支付系統,前者由納吉以嚟都係只聞樓梯響;至於後者,馬來西亞嘅經濟可以用百廢待興嚟形容,而且馬來西亞坊間,就算高度城市化如吉隆坡、檳城、新山之類,仲係流行用現金,電子支付根本仲未成氣候。俗啲講,馬雲根本只係不斷燒銀紙;甚至直接啲講,馬方臉只係Money Laundering。有何實際「投資」產生大馬經濟成效,完全得個桔。

吉利就仲更加好笑。吉利本身係 Proton 呢間垃圾車廠嘅單一大股東,馬哈迪响509大選之後講過,當Proton已經不再屬於馬來西亞,即係「潑咗出去嘅水」;另外,早前話想搞「第三國產車廠」,但大馬國內嘈到拆天話「唔好再嘥錢」,之後財長林冠英出嚟撲火,話就算有車廠都唔會由公帑出資而只會係私人投資開設,再到8月初馬哈迪二度訪問日本時話會尋求豐田或日產援手於「第三國產車」。大家由呢條 timeline 應該會睇到馬哈迪點會預吉利一份呀!簡單啲講,馬哈迪嘅盤算係吉利想再「投資」大馬汽車工業呀,無問題呀,你咪有間 Proton 响度慢慢玩囉。再者,從投資角度去睇,Proton 根本係一件「負資產」,吉利「泵水」救得到幾多,心知肚明啦。仲唔係馬哈迪鋪蕉皮呀!

啲五毛想話老馬同吉利「達成共識」 Proton 將可以賣去中国,係一條財路,促進大馬經濟…… 匪區啲人形生物會睇得上眼 Proton?? 仲有,私家車右軚改左軚唔係就話改就改到,响機械上面做 R&D 與及零件 OEM 生產有好多工作。吉利就算唔係繼續燒銀紙,都係未見官先打八十。撇除支那共匪「乾溏」嘅現實,吉利有本事咪慢慢捱囉。

可以見到,杭州嘅「成果」只係一個桔,好戲當然係响北京嘅「官式會面」。馬哈迪同兩個共匪頭目傾乜唔係重點,況且根本得佢哋自己先至知道。事後嘅記者會上,馬哈迪宣佈取消 (Cancel)東海岸鐵路、馬六甲至吉打嘅多元石油產品輸送管 (簡稱PMPP),與及連拉沙巴東岸金馬利 (Kimanis) 至山打根嘅沙巴天然氣輸送管 (簡稱TSGP)三個支那共匪「投資興建」嘅項目。今次要留意嘅唔係用字,而係要對比返馬來西亞尚有另一個暫停嘅大型基建項目 ── 新隆高鐵。

馬哈迪/希盟政府本來都係話取消,後來同新加坡政府談判之後就改口話先暫援再作評估。對比起今次同李克強及習近平見完面之後唔係「Hold 住先啦,遲啲再傾」,而係 Cancel,即係叫支那共匪「死咗條心」,無彎轉了。

馬哈迪點解會咁「狼夾狠」,似乎同 1MDB 案二號主犯劉特佐有關,都搵唔到其他因素。要直接啲講,支那共匪決定唔「交人」出嚟。

或者大家想問,「交人」出嚟馬哈迪唔會「斬」咩?如前段,最起碼有機會新隆高鐵對住新加坡政府「反口覆舌」可以 apply 落嗰三個項目,記招可以俾人覺得支那共匪「仲有彎轉」而支那共匪可以「好睇少少」。Chase back 杭州,嗰兩單門面嘢,馬哈迪其實可以話「面已經俾足你共产党」,但到頭來敬酒唔飲飲罰酒 ── 唔交人咯,咪「駛撚俾面你」大刀大刀咁劈囉。

再仲有更爆而香港傳媒無報導嘅,係馬哈迪再次明言「反對外國人地產項目,不准永久居留」。根據《當今大馬》(中文版) 報導,馬哈迪強調「政府不允許類以『新山的地產項目』下的大量移民,不會給這些人發放永久居留簽證」。

雖然無「開名」,但報導引述返馬哈迪响舊年講過碧桂園森林城市呢一類「收購大片馬來西亞土地,然後建造馬來西亞人買不起的宏大城市的做法,不算是外國投資。」即係話馬哈迪已經鎖定好晒所有中国嘅房地產「投資」發展,準備向支那共匪嚟個大撲殺。咁仲唔係決裂呀?咁反枱囉,好唔好。順便講,仲諗住落搭買「新加坡一河之隔」嘅港燦,Final warning 喇,仆咗街記得唔好話無人提過你呀!

最後講埋,馬哈迪今次訪問嘅「成果」,可以話超過90%確定中华人民共和国已經被包圍,剩低只係一個「爭在未正式開聲」嗌反枱嘅菲律賓。 Roa Duterte 講埋,支那共匪可以準備講掰掰。

返回主頁

Be the first to comment

Leave a Reply

Your email address will not be published.


*