海航即將掰掰,支爆正式揭幕

海南航空集團董事長王健突然離奇在法國身亡,支那匪區同香港傳媒一面倒報導係意外,但根據諳曉法文的「膠事錄總裁」陳予指出,法國當地傳媒報導事件有最少三個版本 (但費時益抄抄子,無講詳情),已可以對「意外」二字產生懷疑。另外,從 Tripadvisor 網站搵到一啲相信係案發現場 Vieille Eglise haute 嘅相片,未見有要「爬牆」拍到俯瞰山下村莊嘅美景。又雖然支那人有著鍾意要威嘅特質,不能排除王健因為咁憨鳩鳩爬上牆;但王健唔算係一般土包子,點都仲會有「影到就算」嘅意識而唔會貿然冒險。按此推斷,可會是自行了斷的「意外」?

海航集團嘅負債問題已經去到冚無可冚嘅地步就是事實。海航集團嘅債務,除咗係「錢嘅問題」之外,債務不斷滾雪球而共匪中央不斷泵水吊命,背後必定仲有巨大嘅政治因素。王健孭住呢個由6000億人民幣再引伸至多個範疇嘅超級炸彈,黑心啲講唔係無可能構成自尋短見嘅動機。另一方面,唔猜測「意外」嘅「背後力量」,但過去十幾小時網上流傳一段貼文:

王健在 “海航” 風頭火勢時 “意外跌死” 。
陳小魯在 “安邦” 風頭火勢時 “心臓病” 發身亡。
徐明在 “實德” 風頭火勢時在獄中 “心肌梗塞” 死亡。
(小弟再補多一腳: “華源基金會” 的路祥安在何志平被捕後 “感冒菌入血” 死亡)

王健為乜事「咁睇唔開」,請自行參透啦。

海航集團冚無可冚嘅債務問題必定隨住王健一死而爆發,結果要不是被各債權人call loan 追數,就是被申請清盤,但最終都係倒閉收場。引伸至港燦最關心嘅問題,就係 HX 同 UO 嘅機票變成「廢紙」(雖然家陣都係電子機票)。或者港燦們還是認為小弟「講咗咁耐都未執」不過是狼來了,但以目前海航集團嘅情況係隨時「啪電制」就係事實。

另一方面,海航出事,習系嘅財政來源被斬斷、「乾塘」狀況浮面,引致支那匪區一連串嘅財務、經濟問題,再衍生出政治危機。內憂之餘,更是因為海航集團有唔少海外投資項目,例如Swissport,Deutsche Bank AG 等,演變成國際級金融危機嘅外患。支爆由此正式發生,習近平想唔跳天安門城樓都幾難。

支爆將導致匪區出現嘅亂象,除咗江、習兩派嘅政治大亂鬥之外,單純講港燦最關心嘅錢銀問題,除咗 HX UO 機票變廢紙之外,仲有支那共匪要將過去十幾年來响香港「投資」嘅資產「掟貨」套現,加速推冧資產市場,導致香港銀行體系需要作出大筆呆壞賬撥備,出現另一波金融危機。仲因為共匪黑錢在本港資產市場佔嘅比例唔細,將隨時係核爆級。再仲有,別忘記馬來西亞前首相納吉擺响香港嘅黑錢佔外匯基金嘅比例最少3%,更可能會演變成「宇宙大爆炸」。

事實擺在眼前,香港嘅經濟即將大冧檔。香港人見到咁仲係咪要幻想「祖国很強大」、「有乜事『阿爺』會頂住」,悉隨尊便。但請記得出事時唔好話無人提過你哋,只係你哋一直聽唔入耳。

返回主頁

Be the first to comment

Leave a Reply

Your email address will not be published.


*