劉特佐隨時搞到特區護照變廢紙


馬來西亞 1MDB 案重要證人兼疑犯劉特佐逃離香港後嘅去向、現身在何處,消息滿天飛。有謂逃離香港後嘅第一站係澳門,之後又跑到支那匪區,到呢兩日又傳出去咗中美洲、加勒比海島國……

佢到底去咗邊,當然值得關注。但是,馬來西亞政府移民局响6月15日已經取消劉特佐本護照。佢依家仲可以周圍去的話,即係身上一定有另一本護照。會係乜嘢護照,唔係無得推敲。

先唔好「乜都賴晒共产党」,劉特佐係華人,有資格响台灣以「華僑」身份申請中華民國護照。即係不能排除呢個可能性。不過,大馬政府高調取消劉特佐本馬來西亞護照,總統蔡英文大力推動「南向政策」,台灣政府無理由唔「搣」埋佢,爭在有無打鑼打鼓唱通街。

另一個可能性就係港共傀儡政權俾咗佢一本特區護照。呢個係有跡可尋。第一,承如前一篇文,支那共匪有 intention 要「照顧」佢。第二,馬來西亞傳媒報導,有高度可靠情報劉特佐去咗澳門,而時間係6月15日之後。撇除支那共匪、港共同澳共兩個傀儡政權打龍通,劉特佐無咗本大馬護照點出境香港同入境澳門。或者反過來講,只要有香港身份證,香港出境同澳門入境手續都無問題。第三,大馬當地另有報導,指有情報劉特佐由澳門再去咗支那匪區。再又撇除支那共匪有命令俾澳共傀儡政權同珠海公安部邊防必須「特事特辦」,有香港身份證,中旅社就可以發出回鄉卡。

最重要嘅係,假設劉特佐有香港身份證,港共傀儡政權入境處跟住就可以發出一本特區護照俾佢,港共傀儡政權成日吹噓特區護照免簽證國家數目多過BNO (港燦成日以呢個理由話唔駛申請好狠貴嘅BNO),劉特佐想去邊都得啦!而其中包括多個加勒比海國家,包括Cayman Islands, Caribbean Netherlands, Dominican Republic, St. Martin, St, Kitts & Nevis等等。地點上符合「去咗加勒比海島國」嘅流傳。

只不過,Interpol 對劉特佐有紅色通緝令,正常嚟講去到當地入境時點都會「著燈」而出事。另外,套用返「去咗加勒比海島國」,不論由香港定支那匪區,要飛去 Caribbeans 一定要經北美轉機。特區護照去美國要申請簽證,去加拿大就唔駛,但要申請電子旅行證,申請時一定被 BAN 兼夾行蹤曝光。唯一可以避過 Interpol 嘅 alarm 只有一個可能性 ── 本護照上嘅姓名已不是劉特佐,唔只係唔用馬拉姓名 Low Teak Jho,係直頭連任何可以估到係佢嘅英文串法,不論係港式 Lau Tak Chor 或共匪式 Liu Te Zuo 都唔用,費時俾人估到,先至最安全。

如果事情真係咁,即係有證據證明香港特區政府會發出假護照。其他國家必定基於國防保安考慮,認為港共傀儡政權隨時「做得一次,唔怕做第二次至第N次」,對特區護照起疑心,繼而必定要求入境櫃枱職員對特區護照嚴加防範,更必會考慮甚至快速行動取消特區護照嘅免簽證待遇。再者,一個何志平又係拎住本特區護照去非洲犯案,再仲有薄熙來老婆、李鵬個女又係有本香港特區護照…… 比著你係「西方列強」嘅內政部長唔會唔做嘢!

成件事可以睇到,支那共匪為咗利益,就是可以當香港係臭四,或是毛澤東名句「踏著屍體過河」嘅死屍而已。當然,以上一切都只係按圖索驥、捕風捉影、上綱上線…… (下刪三千字) 最好當然係保安局局長李家超、入境處處長曾國衛出嚟講兩句釋疑。不過照睇納吉啲錢、1MDB案、東海岸鐵路、碧桂園森林城市…… 佢兩個就算想講,統監府王匪志民都要佢哋封口。

但如果又俾小弟講中,特區護照唔駛幾耐就會「出事」。而Interpol 嘅通緝令係由新加坡,再加埋通緝令之後半年就發生扣留裝甲車事件…… 只不過港燦嘅外遊首選唔係新加坡,該是日本,都係Who fucking cares 架喇,準備「同享做中国人的榮耀」啦。

後記:唔好話我唔「放風」,續領/補領BNO 嘅時日無多。嫌貴、嫌「免簽唔夠特區多」嘅,到時唔好後悔。

返回主頁

1 Trackback / Pingback

  1. 馬來西亞政變 背後可能的 中共 因素 - 林離盡誌 Jacky Lim Commentating

Leave a Reply

Your email address will not be published.


*