蠱惑梯級 ─ 運輸署貪官夾埋皇冠搵錢仲要害人嘅仆街所為

小巴新車要加裝的一個梯級,發生 N 宗乘客上落車跌倒嘅意外,不過傳媒見無死到人就好少報導。前日第 N+1 宗而事主係資深電台主持車淑梅,終於又再「炒起」呢件事。加裝嘅呢一級嘅設計當然有問題,但問題响邊?涉及嘅技術同法例問題都幾複雜,所以難怪無人 (包括記者、一般市民) 識得掘出嚟。

加裝呢一級嘅背景,源於2015年立法會「公共交通策略研究」專題响當年5月5日公聽會,有與會者指出小巴嘅梯級高度較高可能對乘客,尤其是長者,構成不便,建議小巴要加裝踏板降低車門梯級高度。呢段發言所指的並不是車門同車廂地台嘅高度,而係車門同路面嘅高度距離,建議小巴在車門下面加裝一個伸縮踏板(如下圖)。

小巴業界唔想「多個香爐多隻鬼」── 裝多樣嘢就多樣嘢壞,增加維修成本;同埋車門開關必定要電動操作,司機無得隨心所欲開關門上落客….. 所以反對。撇除呢啲食古不化嘅思維,伸縮踏板安裝於車底,路面沙塵、雨水泥濘已經令到呢件設備嘅維修率頗高;小巴每日開關車門次數、上落客人次,更加「死快啲」。我係從呢個角度而唔同意小巴加裝伸縮踏板。

伸縮踏板「收皮」之後,運輸署為咗要應酬啲要求多多嘅政客,就開始話要安裝搞到唔少人仆街 (真‧仆街嗰隻) 嘅梯級。最原本嘅設計係遷就車門開關軌跡的梯形設計。唔少人跌親之後,運輸署面對小巴業界壓力叫停,但就話會研究新設計希望有所改善,結果就出現行內戲謔「鞋盒」。

講句公道話,版本一嘅設計唔係新鮮事物,復康小巴、非緊急救護車 (不論豐田Coaster 或三菱 Rosa),「摺門版」三菱ROSA 29座旅遊巴,都有類似設備,但都是日本原裝組件。版本一可以話 Copy cat。點解有「原廠嘢」唔用要用本地土炮?先唔講「搵錢」,而講返技術及法例角度問題。根據《道路交通(車輛構造及保養)規例》(Cap.374A) 第65(1)(a)及(c)條,車門的第一級離地面高度必須介乎250-400mm;每一級的深度最少230mm ,

不論豐田 Coaster (B40, B50, B70),三菱 Rosa,金旅 XML6701 「原裝設計」的梯級都符合呢個要求。但是梯級井嘅深度(不論摺門或外擺門),三款車都只係得450 – 455mm,

要加多一級需要嘅深度空間,即係要230×2=460mm,仲爭10mm。據收到嘅「風」,運輸署班貪官以呢一點嚟否決用「原廠嘢」。因為仲爭10mm,需要搵方法增加第一級嘅深度,即係要加裝「蠱惑梯級」變成兩個工序,可以「搵多啲」嘛。

前述提及的復康小巴、非緊急救護車同「摺門版」三菱ROSA 29座旅遊巴點解可以出到牌。因為以往運輸署執行「深度最少230mm」係梯級平面深度,即使梯級垂直面向入斜都照計數。只不過大約10年前唔知邊間匪區車廠嘅代理商(一定唔係金旅,唔好諗住入我數。我頂多用歐盟規例同驗車官拗數)「出蠱惑」垂直面超斜,直角式量度得返180mm,搞到個驗車官「發作」,就一嘢「釋法」改為直角式量度深度要最少230mm,

(高度<270mm 僅適用於登記類別「巴士」。小巴沒有是項要求)

事實上,根據歐盟 ECE-R107 para. 7.7.7,直角式量度深度只是200mm;直面斜入/凹入不得多於100mm :

運輸署以往嘅做法其實係「有法可援」,唔係亂嚟的。

運輸署話「始終長者檻唔到咁高,需要有一級俾佢哋借力」,於是就出「鞋盒」呢個「改良版本」。運輸署仲出埋「概念設計圖」:

450-350=100mm。想請問總機電工程師/車輛安全及標準岑毅安點樣解釋符合法例呢?另外,摺門開啟後的梯級井淨闊度650-670mm;「鞋盒」闊度250mm ── 670-250=320mm。唔好話Cap.374A sect.67(3) 「小型巴士每個入口及每個緊急出口的寬度均不得少於530毫米」仲有得俾班官死都拗返生,又是歐盟標準每個梯級嘅闊度最少500mm,「鞋盒」仲唔係擺明靠害呀!

另外,從歐盟文件Screen capture 所見,梯級高度上限是350mm。三款現有的小巴車款嘅梯級高度係320 – 345mm。即係話「原裝」無加「蠱惑梯級」的設計,其實符合歐盟標準;或者加多一級但唔改裝梯級井,兩級的直角式量度梯級深度平均225mm,都係達到歐盟安全標準。只不過,運輸署車輛安全及標準部班粉腸習慣咗「有佢講無人講」同鍾意學支那共匪人大釋法咁「僭建」規矩。

簡單直接啲講,其實乜都可以唔駛改;或相反地,運輸署大可以拎呢條歐盟規則出嚟,應付啲唔識車嘅政客之類嘅傻人,仲能實踐埋「少做少錯,唔做唔會錯」嘅公務員金科玉律。只不過,要改先可以撈油水嘛!

根據「收風」,不論版本一的梯形設計或是版本二的「鞋盒」,連同擴闊第一級深度10mm,索價連工包料 HK$6,000.00。有幾多水份?蠱惑梯級材料約$2,800.0,擴闊深度10mm的材料俾到盡 $300.0;工時總計「一工」即大約$1,000.0。

無錯,豐田或三菱的「原廠貨」隨時唔止咁嘅價錢,但總會有人要「過河濕腳」…… 搞到唔一萬都八千,濕鳩CEO 仲唔俾啲行家迫供要佢講兩句扮反抗呀。請順便留意,「蠱惑梯級」擾攘近半年期間,香港聯交所上市編號第77號嘅CEO係無點出過聲!

至於點解「又入皇冠數」,除咗因為豐田Coaster 嘅數量逾4200部之外,另要知道皇冠車行引入新款 XZB70 小巴只係「吉殼」── 無座椅無路線牌…… 全部响香港外判加裝。行內公開秘密 that 商用車輛營業部班 Sales (尤其是綽號「肥花」嘅經理) 透過呢啲外判工序搵嘅錢仲多過本身份糧。

順便漏少少口風,已經有人去廉署舉報「蠱惑梯級」呢件事。據聞廉署有順便問埋「19座位」單嘢。不過,舉報至今已一段日子,暫未有聽聞廉署有進一步展開調查;別忘記,黎銘洪生前已去過廉署舉報石油氣的士小巴更換催化器,政府一方涉事人係環保署前任助理署長莫偉全,至今仍然石沉大海。譚惠珠曾是審查貪污舉報諮詢委員會主席、「豐田霸權」涉及江匪澤民派系石油幫嘅利益,白韞六敢郁手?唔驚成為下一個王健、路祥安咩!

承如前述,小巴佬普遍都係食古不化、對政府永遠只會逆來順受;就連老廉都無動於衷。另外,根據第三者保險,因為咁仆親唔係受保範圍,故此大家要搭小巴時請自求多福、好自為之。

後記:蠱惑梯級不過是响小巴「加料」搵錢嘅第N個動作,所謂「小巴三寶」黑盒、限速器、車速顯示器,港共傀儡政權夾埋班友已經搵咗唔少。有機會先至詳細爆埋。奉勸運輸署班貪官唔好以為真係大撚晒!

返回主頁

Be the first to comment

Leave a Reply

Your email address will not be published.


*