慢就是安全所以巴士限速40?通通拉去驗腦啦!

大埔滘巴士反車意外之後,港共傀儡政權成立專營巴士獨立檢討委員會,召開多場聽證會,捉巴士公司管理層「照肺」之外,另請一堆濕鳩專家同啲政客一齊亂噏廿四 ── 講嚟講去三幅被,唔係「安全帶是萬能」就一味啄住車速,就算上星期 ZF 就黑盒嘅技術嘅作供內容算係到肉,但啲白痴政客以為車用「黑盒」嘅功能可以好似飛機嗰啲咁,已經無眼睇。尋日一件叫鄺子憲嘅疑似支那共匪打手上去,話巴士應該限速40,同車頭座位好危險,真係火山爆發。

點解「老屈」鄺子憲係疑似打手,後段會爆。

先講安全帶,安全帶本身嘅作用只係防止車輛前方碰撞時司機或乘客飛出車外,唔係救命仙丹!其操作原理係捲軸有一保險扣,在有急速衝力時鎖住捲軸制止司機或乘客向前衝,盡量保持在座椅上 (甚至更先進的有小型磨打回捲安全帶將身體上半部「扯回」緊貼椅背)。當不幸發生意外而如果司機或乘客受傷、暈厥而無法解開安全帶嘅扣鎖,消防員救援時就要剪帶,甚至因為安全帶產生作用將司機或乘客綁緊於座椅上而條帶緊貼身體,「剪帶」嘅過程就更加麻煩。所以,安全帶根本唔係萬能,甚至可能阻礙救援。政客睇到「安全」兩個字就上晒腦簡直痴線。

至於車速快慢,小弟過去多次講過車速唔係道路安全嘅唯一因素,仲引用過德國嘅數據引證呢個講法。
只不過,港共傀儡政權繼續吹捧「慢就是安全」尤如真理,就搞到一街港燦、政客以至記者對於道路安全嘅睇法都係得個「慢」字。另一方面,從輿論角度,德國、英國嘅駕駛訓練著重司機嘅汽車知識、駕駛技術及態度…… 要寫到水蛇春咁長先至講到同道路安全有乜關連,相比車速只係一個數字,好容易演繹表達,比著你係記者都只會响現場一味問「當時車速係咪好快」就算啦。

40km/h 有幾慢?去台北可以體驗下。但唔係民權東路、民生東路、南京東路、忠孝東路、復興北路、敦化北路……之類有如彌敦道、軒尼詩道嘅路線,而係例如淡水-關渡之間嘅淡金公路 (308, 756, 757等)、或者三峽-土城嘅介壽路 (705, 706等)。想像下有如深井至大欖涌一段嘅青山公路慢慢碌半個鐘。嫌遠嫌耐可以試下經民權大橋嘅路線 (214, 278, 286等);想再方便啲就經忠孝橋來回台北車站至三重嘅路線,或者「線王」307 經華中橋,有如青衣北橋嘅路段「碌」到你「瞓醒都未到」。

港共傀儡政權成日吹捧「慢就是安全」嘅原因除咗懶之外,說穿了不過是加劇塞車問題,同埋變相縱容柒頭司機、亂過馬路嘅咸魚,製造「馬路好危險」嘅輿論出嚟,咁先至可以鼓吹「除了鐵路以外你們不可以有別的交通工具」。

「鐵路霸權」對港共同支那共匪帶來嘅好處,除咗方便同港燦洗腦之外,建構「鐵路沿線物業」推高樓價方便搵錢兼加強對港燦嘅洗腦,更重要嘅係支那共匪近呢廿幾卅年嘅搵錢技倆就是地產同基建工程,而鐵路嘅建築成本係基建項目中最高,即係可以CAP最多嘅水。但點都要做下樣、扮下嘢,引導市民傾向鐵路製造需求先可以「名正言順」。

鄺子憲掛住所謂「道路工程師」嘅朵,仲有另一個身份 ── 亞洲開發銀行支那匪區公路安全設計及標準顧問。建議巴士開慢啲,即係搭巴士更加唔方便,咁就可以進一步推「港燦」去「盡心盡性盡意愛鐵路猶如愛自己」。仲有,佢話英國巴士車速限制係40km/h…… 唔好意思,英國嘅巴士車速限制响市區係跟路牌,25、30、40mph都有,高速公路就規定55mph (即90km/h)。你條仆街老吹都有個譜吖。呢條粉腸仲唔係所謂「收錢做嘢正仆街」/ 收錢做仆街嘢?留返俾佢自己慢慢解畫啦!

要「慢就是安全」嘛,咁我就好堅持「最安全車速係0km/h」── 所有車唔行就保證唔會發生交通意外!又不厭其煩再講,要是車速同安全有直接關係,德國應該每日最少有200人死於交通意外,但德國嘅交通意外死亡率廿幾年來都係全球最低5名之內。

後記:委員會的資深大律師黃佩琪話安裝車速顯示屏,幫運輸署利益輸送CAP水班友搵多啲呀!

延伸閱讀
司機多柒頭,因為運輸署憨鳩

返回主頁

Be the first to comment

Leave a Reply

Your email address will not be published.


*