香港傳媒退聯到極點

香港嘅新聞機構嘅質素敗壞,講來講去多數都係從政治角度入手。無錯,香港嘅報館、電視台都淪為支那共匪打手,但一來講得多「政治」都厭,二來「政治化」嘅演繹嚟得唔夠全面,三來比較少實際證據同分析。不過,近日有三宗外國新聞,就可以比較具體反映香港傳媒到底「衰」成點嘅情況。

第一單係支那共匪習近平到非洲「殖民地」訪問。本港傳媒一味捧到習帝上天,同狂吹一帶一路將會有幾美好前景。支那共匪响非洲嘅侵略殖民所為對當地嘅社會同經濟產生乜嘢問題,當然唔會報啦。但是,支那共匪去到邊,都係又要威又要帶 ── 扮皇帝出巡得嚟又唔想示威抗議响視線範圍出現,當然更怕暗殺,於是乎要當地政府嘅保安做到滴水不漏。

習近平尋日去到毛里求斯 (Mauritius) ,當地就瘋狂式封路搞到Flic-en-Flac全城擠塞,人人喊屌。香港傳媒當然唔會報呢啲「有辱國體」嘅事,而只得 (傳媒人眼中唔係傳媒嘅) 「寰雨膠事錄」引述當地法文傳媒「報導」。小弟手痕再 Google 下,發現本港傳媒連習聖上到達當地嘅消息,都只係得大公報同商台有報。或者咁講,「港燦」對 Mauritius 識條鐵,報嚟把鬼。再「上綱上線」講,支那共匪就是要封鎖香港人嘅國際視野,既然唔識就無謂教佢哋咁多!

第二單係 CCTVB 「時事多面睇」講新加坡濱海灣花園 (Gardens by The Bay) 有水獺出沒。表面係想講野生動物保育,但轉頭就講個花園一帶係填海而成,我已經聞到陣「幫支那共匪推銷大填海計劃」嘅味。再轉頭就是「完結香港基金」出場,就係講香港人口形成嘅住屋需求,所以應該要大規模填海。CCTVB 仲要仆街到,將新加坡自1965年獨立以嚟嘅填海面積,對比香港只係小巫見大巫。

呢啲誤導手法簡直痴撚線。

第三單英國漢普郡 (Hampshire) 渥克倫 (Oakley) Andover Road 响英國時間26JUL 中午發生一宗雙層巴士嚴重交通意外。巴士衝出路面撞到一棵大樹,造成最少11人受傷,其中兩名被拋出車外傷者情況危殆。

套用香港早前大埔公路巴士意外本港傳媒嘅做法,應該去搵牛津大學工程系研究部講師Dr Marko Bacic 評論架車可能有乜唔安全啦,最興嘅就話「無安全帶所以導致有乘客拋出車外,建議所有巴士加裝安全帶是最有效防止同類事件發生」;再搵埋當區國會議員 Maria Frances Lewis Miller ,引導佢講「現場車速限制50mph 太快太危險,建議收緊至 10mph…..」;頂多再唔知邊度搵個疑似識巴士嘅所謂專家,見到肇事係一部十幾年車齡嘅ALX400 就話「車齡高可能缺乏維修保養,要求政府收緊巴士車齡上限」……..

可是英國嘅傳媒,BBC, Sky TVThe MirrorThe GuardianDaily MailThe Sun 嘅報導內容,都只係報導事發時間、位置、有幾多人傷,出動幾多架救護車,傷者送咗去邊間醫院….. 就算。甚至是引述目擊者講嘅事發經過,都無話問「事發時車速快唔快,覺得司機係咪揸得好狼」

香港傳媒「致愛」嘅搵專家、議員俾comment,一來霸版位,二來懶係向市民進行「教育」如何提高交通安全。但正如小弟過去講過好幾次,搵啲所謂專家、車牌都唔知有無嘅政客「講兩句」可以改善道路安全,根本係白撚鳩痴嘅所為。另一方面,香港啲記者之所最鍾意問意外目擊者「車速快唔快」,因為車速只係一個數字,容易寫稿兼方便港燦以最低能嘅方式「理解」單意外。相反角度又正如我成日講,意外成因唔會係果單純同係車速有關,當中涉及N個因素,但「港燦」識條春咩,記者嘅下意識咪唔會寫囉。

又再「上綱上線」講,留意下香港嘅傳媒但凡涉及公共交通車輛嘅意外,搵啲所謂專家、政客做Spinning 巴士、小巴好危險,根本就是協助推動「除了鐵路以外你們不可以有別的交通工具」嘅洗腦工作。唔好話我老屈,試比較下地鐵故障,就算大大鑊都好,報館、電視台都無話巴士、小巴撞車煲到天咁大。

再爆一單無人知嘅事。5月28日天星小輪撞向海運大廈,有當時响小輪上嘅網友同我報料,話傳媒訪問佢嘅時候,不斷問佢「係咪覺得好驚」「係咪覺得搭小輪好危險」「以後仲會唔會搭船過海」……

嗰位網友同我講「估到啲記者想Spin 『搭地鐵安全啲』」,於是打死都如實講「有少少驚,不過依家都無事啦」「點解唔搭船呀,咁方便,又可以睇下海幾舒服」。香港班傳媒仲唔係「教育」市民要「敬畏鐵路萬能俠是智慧的開端」!

三單夾埋,就係香港傳媒淪喪,只為支那共匪隱惡揚善、歌功頌德、殖民洗腦嘅證據。就算擱開「政治化」嘅講法,香港傳媒嘅質素,就是連交通意外都鳩做亂寫,想做收錢 online subscribe,真係「今晚早啲瞓」。

返回主頁

Be the first to comment

Leave a Reply

Your email address will not be published.


*