買咗HX UO 機票好自為之

大約一年前,香港航空 (HX) 及香港快運 (UO) 的母公司海南航空集團繼 Citibank 同 Morgan Stanley 之後被美國銀行以客戶背景懷疑(Know Your Client) 終止財務交易,影響資金流出現營運危機,雖然到今日三間公司都未執笠,而一眾港燦認為小弟狼來了嚇鬼,繼續幫襯呢間掛香港羊頭賣支那共匪狗肉嘅航空公司機票。但經過呢接近一年,不斷有HU財政出問題嘅新聞,包括出售原持有啟德發展區地皮套現。咁多消息滿天飛,腦部稍為正常都好難唔變咗驚弓之鳥。

話口未完,今日又有消息指 HU 負債攀升至逾 5900億元人民幣,共匪中央決定出手搶救,盡可能吊住條命。

唔分析背後的政治因素,單純講錢。負債 6000億,就到咗資產負債比警界線。簡單啲講,即係資不抵債。只要債權人 call loan 就「即時死亡」。好多仲以為「祖國好強大」嘅港燦見到共匪中央泵水,就以為唔駛驚,買咗HX UO 機票就坐定粒六等起飛出發。只不過,共匪中央都乾塘就係現實;再仲有舊年已爆出海航集團每年剩係利息都200億,如果真係找到「釘」,就唔會11個月之後又爆出債務危機消息啦,係咪呀!

仲有更加嚇鬼嘅嘢。海航集團過去四個季度 (2017 Q2 – 2018 Q1) 嘅現金流唔止低水,舊年第四季嘅投資項目及財務信貸更是負數,到今年第一季,營運項目的現金流亦缺水3億。無錯,以一間資產值6000億嘅公司嚟講,3億唔係乜嘢大數目。不過,營運項目都搵唔到錢,即係運作出晒問題;再睇埋公司收益在過去四個季度一直維持在13 – 17億、公佈Profit Margin 7.97%,純利約1.16億,即係賬面上有4.16億唔見咗。去咗邊?問王岐山囉。

共匪中央如今唔止乾塘,仲要內憂外患。尋日就爆出湖南耒陽政府出唔到糧,耒陽係縣級市,政府規模細到咁都出事,邊個咁寫包單無其他地方政府有同樣危機。外患就更加唔駛講,美帝特朗普成功將北韓金正恩收編之後,就加重火力打貿易戰。對中国500億美元貨品的增收25%入口關稅,折算返接近1000億人民幣。更是稍為識得分析國際政局的話,會好清楚侵總統同肥仔金拍晒膊頭,意味朝鮮半島問題已經唔再關支那共匪事,特朗普唔駛再睇習近平面色,要幾狼得幾狼都得。言下之意,500億美元的25% 只係 Starter,Main Course 仲未上。

依家中国財政問題根本係十個茶煲得唔知幾多個蓋,「內憂」都未必夠錢應付,仲要俾可恥美帝走狗紙老虎搶多1000億。就假設港燦幻想「祖國」仍很強大,但子彈唔係無限。習近平救得海南航空仲有無錢「冚」啲地方政府乾水,真係得佢老哥自己知。但萬一因為地方政府財政問題導致群眾運動的可能,習近平都必定老虎蟹撲滅火頭,到時又有無錢繼續泵俾海航集團吊命呢?

港燦與其想話小弟又嚇鬼,不如自己用下腦睇清楚啲數據資料好過。都係嗰句,買咗HX UO 機票嘅,海航集團「啪電制」嘅時候,記得唔好喊晒口,因為「路係自己揀,仆街唔好喊」。

返回主頁

Be the first to comment

Leave a Reply

Your email address will not be published.


*