共匪硬推普通話,食老K條水之嘛

教育局局長楊潤雄又出招搞粵語白話,搞到杜文澤以至平時少為政治議題出聲嘅鄭中基都開聲抦,撇除班仲盲目「『祖國』強大」而支持普教中嘅港燦怪獸家長,呢場火睇嚟唔燎原都有排燒。

入正題之前,小弟提醒大家留意一下,港共傀儡政權現有嘅局長/副局長制度之下,各個局多數係派副局長出嚟受靶,但偏偏教育局就成日都係楊潤雄出嚟「變箭豬」,反而舊年個仔跳樓死嘅副局長蔡若蓮就深潛,呢個跡象唔單止反映正副局長其實係掉轉,再實在啲可以話楊潤雄只係傀儡爛頭卒一名,教育局真正頭目係蔡匪若蓮黨委書記,該是無誤的。

盲嘅都知不過是支那共匪為實踐希特拉嘅「消滅一個民族要先消滅語言」嘅理論目標,所以話中国共产党該正名支那納粹黨。但支那共匪之所以咁做,除咗其自家就語言方面的政治考量思維形成的條件之外,尚有一個流傳源自遠古的思想觀念 ── 大一統。

過去講過好多次,大一統在香港如此普遍嘅成因係中國歷史課本,課本講到秦始皇嘅「統一大業」,唔只左賊大中國膠推崇備至嘅「國家領土面積要大而統一」,仲有強調「車同軌」「書同文」等等;而其中的「書同文」,課本及教學內容就大篇幅講嬴政將「七國」的文字作出統一,然後歌頌此舉如何對推動「中華文化」承傳帶來偉大的成效。跟住到通稱漢朝嘅時期,將漢武帝在客觀地不過是一條擦鞋仔嘅董仲舒正式發明「大一統」呢個詞彙煽風點火,強調「統一是多麼的美好」。

再仔細研究董仲舒嘅主張,不單只將秦始皇的「統一」的觀念進行加固,更延伸到所有範疇,包括對人民嘅思想控制,並透過呢種控制產生出一種相當於啤機的社會現象和風氣。簡單啲講就是建構一種「每個人都一樣」嘅社會狀況,方便皇帝管治。俗諺「槍打出頭鳥」嘅基礎就係源自呢種思想,亦是當今香港社會總會追求埋堆、成日批評「唔跟大隊」的源由。將之加諸於「書同文」,就引發出「語同音」的念頭。

支那共匪當然就是要實踐「語同音」,但其實支那共匪不過是繼承中國國民黨嘅「大一統」思維。

老K 就「語同音」嘅歷史,最為人熟悉嘅莫過於1947年「二二八屠殺」之後嘅白色恐怖時期,蔣光頭介石禁止通稱本省籍嘅台灣人講閩南話或客家話,否則罰錢、收監甚至誣衊是匪諜拉去打靶。

另外,N 年前「高登仔」(香港高登討論區的網民) 集體創作了一則歷史 ── 1912年國民政府審議官方語言時,孫中山為咗拉攏北佬,將佢嗰票投咗俾胡語,搞到粵語白話就係輸咗佢嗰一票。

事隔咁多年,呢段「創作歷史」已在台灣廣泛流傳,但老K 一直默不作聲,既不反駁又不提告誹謗。要是高登仔呢個創作係流料,老K點解唔攞出證據 K.O. 呢?? 即係呢段「創作歷史」有可能係真!爭在「1912年國民政府會議」嘅有關文件馬匪英九離開總統府之前係咪擺咗落碎紙機而最終變成無頭公案。

假設呢段「創作歷史」係真,唔止證明孫文不僅是拋棄糟糠、淫人侍婢、變態孌童嘅淫賤大炮友,仲係一個用「共和體制」掩飾想做皇帝嘅仆街而不是老K 奉為神明嘅國父。仲有就係支那共匪嘅「語同音」唔只係理念上繼承中國國民黨,而且以胡語為本也不過是跟老K口水尾而已!

客觀嚟講,「語同音」是必要嗎?言語不通而雞同鴨講會催生社會亂局嗎?須知道歷史證明所謂言語不通會催生亂局,都係管治者一手造成。台灣嘅二二八、白色恐怖,支那匪區嘅文化大革命已經係例子。唔講西班牙同加泰隆尼亞呢個基於小農基因膝撞反應「洋鬼子又點同呢」,涉及「黃皮膚黑頭髮」嘅,印尼排華暴亂 (尤其是1960-80年代之間嗰幾場) 又係,納吉老豆拉薩有份搞出嚟嘅馬來西亞1969年嘅513暴亂都係,呢兩單策動嘅其中一個「理據」就是「華人唔講印尼話/馬拉話」(但事實唔係)。

當然,雞同鴨講總有可能產生誤會,但點解一定要非我族者「歸順」?唔去互相學習不同嘅「方言」咩?一個負責任嘅政府,不單唔應該借所謂言語搞亂檔而應該推動互相學習,與及建構「溝通頻道」。唔講新加坡華語、英語、馬拉話、印度淡米爾語並行但本身係四種不同語文系統,單純針對正確該叫做「漢字語言系統」,當前嘅台灣政府就做咗目前嚟講最好嘅做法。

有去過台灣又有搭過捷運、巴士、高鐵、台鐵,又會細心留意的話,必定發現預錄乘客廣播,即是例如「下一站XXXX」「小心車門關閉」之類,係有四種語言 ── 國語,閩南話、客家話同英文。

無錯係煩,但除咗照顧到「隨時會俾蔣光頭拉去打靶」只識得「方言」嘅歐巴桑、歐吉桑之外,同時營造唔會顧此失彼嘅社會氣氛環境,提醒不同「方言」為母語嘅人就算唔去學另一種「方言」都起碼會意識上知道社會上有其他「方言」存在。

所以,在針對支那共匪「廢粵」進行反抗嘅同時,堅持「廣東話」係香港正統之餘,亦無必要對共匪殖民以外嘅「漢字語言系統」貶斥,或視之為異類。要是認真考究香港嘅「母語」,除咗日常最普遍與廣州佛山類近的粵語白話,仲有與源自粵東山區演變嘅客家話。再拋書包講深啲,地球上第一個共和政體嘅蘭芳共和國,其相當於當代「官方語言」就是客家話。又或者現實啲講,台灣確實最普及嘅「方言」係閩南話。學多幾種唔駛死嘅!

返回主頁

Be the first to comment

Leave a Reply

Your email address will not be published.


*