香港就快成街遊魂野鬼

華人置業 (HKEX:00127) 二世祖劉鳴煒串年青一代情願花錢去旅行都唔願儲錢買樓,俾人抦到爆晒廠。無視樓價同實際購買力脫節,仲衰過晉惠帝。

衰啲講,買樓其中一個目的係扑嘢。但死慳死抵先至可能俾得起200呎唔夠嘅 Nano Flat 嘅首期,更大可能係舞雷公咁遠,一個月交通費又成千銀,加埋供樓、燈油火蠟管理費又萬幾兩萬銀。去旅行住好少少嘅酒店,間房嘅面積同層納米樓差無幾,最緊要係起碼Queen-size bed (5×6.5呎),甚至係 King-size bed (6.5×7呎),一定大過 Nano Flat 諗到爆頭都係頂盡「四呎半床」,唔好話起身出去吃喝玩樂連床都唔駛執,剩係張床嘅大細已經「扑都扑得開心好多」。兩個人去 4-5日使幾千銀,所謂Price-cost-value,正常人都真係情願去旅行啦。

運房局局長陳帆今朝秉承劉鳴煒,但唔講旅行而講買車。心諗:帆叔快啲去養和 Book 位做4D腦掃瞄驗下個腦啦。

買唔起樓所以買車?帆叔仲講到買車方便「遊魂」,某程度上係啱架,因為某程度上樓、車都係小農基因炫耀財富、身份象徵。唔計小弟住鄉下山旮旯同工作需要周圍去所以堅係需要揸車,亦係難推掉嘅原由。响功能上,買車確實方便四圍去,有時約埋啲朋友去食飯,咪好似有間屋招咪啲朋友上嚟坐、食嘢咁囉。再又衰啲講,揸架車上飛鵝山、或者 somewhere 荒山野嶺,車震扑嘢連租酒店錢都可以慳埋。同「唔要做廢青」Same practice and pattern, why not and what’s problem?

(Tips of 飛鵝山道上山,左彎嘅右側夠擺一架私家車,阻唔到人)

先此聲明,小弟唔太鼓勵車震,原因唔係泛道德主義嗰隻,而係遇過好幾次唔知嗰架車上嘅戀人係咪情到濃時唔記得條路唔係佢哋嘅,搞到阻住條路。仲有係港共傀儡政權 Ban 柒柴油私家車,而電油車停低車唔開窗會中毒 (柴油車無咁容易,識車嘅人係會知道的)。再者,香港地太多「道德撚」同八卦精鍾意「照田雞」,然後成為差佬「做嘢」嘅理據基礎。

劉鳴煒講完旅行,陳帆講買車,港共傀儡政權仲諗住搵啲乜批評「唔買樓」嘅就係廢青呢?再講落去,仲唔係成香港都遊魂野鬼呀!

一個二個人格下流嘅上流社會人物、達官貴人開口埋口用「買樓」嚟 spinning,講到尾都只係想表達年青一代唔肯跟老一輩預設嘅社會規則,再唔係就係炫耀佢哋如何腰纏萬貫、位高權重嘅成功。而所謂嘅「社會規則」不過又是身家財產,說穿了迫人「追買樓」嘅目的咪又係要俾啲炒家有錢搵!

香港人要Dream House,係事實。但香港人唔係渴望千呎大宅,預計結婚生兩個都仲夠住唔駛搬已經足夠。但 Nano Flat 連扑嘢都唔夠酒店舒服,呢啲會係 Dream House?唔好玩啦,阿帆叔!

幾大面積先算是足夠、合理?房委會訂定嘅人均居住面積只係15 Sq m (大約160呎),即四人家庭理應有大約700呎吧,可是公屋的「四人單位」面積500呎都未夠。私樓市場一個實用面積約700呎嘅單位,市區一手新盤嗱埋1000萬以上,天水圍嘉湖山莊都要起碼500萬。

新加坡建屋發展局訂定嘅人均居住面積約26 sq m (280呎),一個 Two-room type 組屋面積起碼 60Sq m,即係大約700呎。擺得落 Queen-size bed 扑得舒服,生兩個總共四個人住都絕對舒舒服服;甚至要做孝順仔女同父母同住,六個人都未算好迫夾。係呀,又講新加坡做例子囉。唔係的話,又點叫陳帆局長好好遵照政府嘅「向新加坡學習」呀!

只不過殖民主義其中一個目標就係壓抑殖民地住民嘅繁衍,以便殖民者進行人口置入。支那共匪點會想香港人有得扑嘢生仔吖。唔該陳帆一係收嗲,一係就遵照「向新加坡學習」嘅方向做嘢!咪話我唔提醒帆叔,仲有幾隻「政治炸彈」响我手上,有排同你爆呀!

後記:「標準」私家車泊位大小 2.5×5.0m = 12.5 sq m,即是135呎。大過一個劏房,甚至比 Nano Flat 實用面積都要大。

申報:本人沒持有華人置業股份。

返回主頁

Be the first to comment

Leave a Reply

Your email address will not be published.


*